HECHOS 2:35 - Dios Rimashcata Quillcashcami

³⁵ Canta piñaccunata cambac chaqui sarunapi churangacaman, canca ñuca alli maquiman tiyacuilla’ ninmi” nirca.

Nuevo Testamento en Quichua Cañar 1996

³⁵ “Canta p'iñaccunata cambac chaqui sarunapi ñuca churangacaman, canca ñuca alli maquiman tiyacuilla” ’ nirca.

HECHOS 2:35 ပူးပေါင်းရင်းမြစ်များ

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SALMOS 110:1

Mandac Diosmi ñucata Mandactaca: «Canta piñaccunata cambac chaqui sarunapi churangacaman ñuca ladopi tiyari» nirca.

SALMOS 72:9

Paipac ñaupapica shitashca pambacunapi causaccunapish cunguringacunami. Paita piñaccunaca allpatami lambingacuna.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 59:18

Paita piñaccunataca llaquichina cashca shinallatacmi llaquichinga. Paita mana ricunayachiccunatapish, paita piñaccunatapish yallita piñarishpami llaquichinga. Mama cucha patapi causaccunatapish paicuna piñashca shinallatacmi llaquichinga.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.

HECHOS 2:34

Mana Davidchu jahua pachaman rirca. Ashtahuanpish paillatacmi: “Jesusmanta huillashpaca: ‘Mandac Diosca ñucata Mandactaca:

HECHOS 2:36

Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

ROMANOS 16:20

Chashnami cushi causaita cuc Diosca Satanasta mishashpa, cancunapac chaqui sarunapi ñalla churanga. Ñucanchic Apunchic Jesuspac cuyai tucui cancunahuan cachun.

APOCALIPSIS 19:19

Chai quipaca yurac caballopi montashcahuan, shinallatac paipac soldadocunahuan macanacungapacmi, chai manchana animalca cai pachapi tiyac jatun mandaccunahuan, shinallatac paicunapac soldadocunahuan tucushpa, tandanacushca cashcata ricurcani.