HECHOS 2:25 - Dios Rimashcata Quillcashcami

²⁵ David Jesusmanta huillashpaca: “Ñucata Mandac punzhanta ñucahuan cactami ricuni. Paica ñuca alli ladopimi. Chaimanta ñucataca pi mana urmachingachu.

Nuevo Testamento en Quichua Cañar 1996

²⁵ Mandac Davidpish Jesusmanta huillashpaca: ‘Ñucata Mandacca punzhanta ñucahuan cashcatami yachani. Paica ñuca alli ladopi cacpimi, ñucataca pi mana urmachinga.

HECHOS 2:25 ပူးပေါင်းရင်းမြစ်များ

SALMOS 109:31

Diosca almata juchanchiccunamanta quishpichingapacmi, imatapish mana charic runapac alli ladopi shayaringa.

SALMOS 110:5

Mandac Diosca cambac alli ladopimi tiyacun. Pai piñashca cai punzhacunapica jatun mandaccunatami tucuchinga.

SALMOS 21:7

Chaimantami jatun mandacca Mandac Diospi shunguta churan. Jahua pacha Dios llaquishcamantami mana cuyuchishca canga.

SALMOS 30:6

Ñuca sumacta causacushpaca: «Pipish mana cuyuchingachu» nircanimi.

SALMOS 62:2

Paica ñuca quishpichicmi, ñuca jarcarina jatun rumimi. Chaimantami pipish mana urmachinga.

SALMOS 62:6

Paillami ñuca quishpichicpish, ñuca jarcarina jatun rumipish can. Paimi ñuca miticuna can, pi mana urmachingachu.

SALMOS 73:23

Shina cashpapish canmantaca manatac caruyarcanichu. Canca alli maquimantami ñucataca charirarcangui.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.

HECHOS 2:26

Chaimantami ñuca shungupi cushicushpa, ñuca shimihuan cantani. Ñuca huañushca quipapish, Diostami shuyasha.