HECHOS 2:17 - Dios Rimashcata Quillcashcami

¹⁷ “Diosca: Tucuri punzhacunapica Espiritutaca tucuimanmi cachasha. Chashna cachacpimi, cancunapac churicunapish, ushicunapish ñucamanta huillanga. Cancunapac quipa huiñaicunapish, muscuipi shina ricungacunami. Pushac yuyaccunapish muscungacunami.

Nuevo Testamento en Quichua Cañar 1996

¹⁷ Taita Diosca: ‘Tucuri punzhacunapica ñuca Espiritutaca tucuimanmi cachasha. Ña chashna cachacpica, cancunapac churicunapish, ushicunapish ñucamanta huillangacunami. Cancunapac q'uipa huiñaicunapish, muscuipi shina ricungacunami. Ña yuyaccunapish muscungacunami.

HECHOS 2:17 ပူးပေါင်းရင်းမြစ်များ

GÉNESIS 49:1

Jacobo paipac churicunata cayashpaca: «Tandanacumuichic, cancuna quipaman ima tucuna cashcata huillasha.

GÉNESIS 6:12

Diosca cai pachapi tucui causaccuna millailla cashcata, tucui causaita chariccunaca huacllirishca cashcatami ricurca.

SALMOS 65:2

Ñuca mañashcataca uyangui. Tucui runacunami cambacman shamungacuna.

SALMOS 72:6

Jatun mandacca pitishca quihuapi sumacta tamyashca shinami canga. Garua tamya allpata nuyuchic shinami tucunga.

PROVERBIOS 1:23

¡Ñuca rimashcata uyashpa cutimuichicyari! ¡Riqui, ñuca rimashcacunata yachacuchunmi munani! ¡Cancunapac jahuapica ñuca Espiritutami tallic shina cachasha!

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

ISAÍAS 40:5

Chaipimi Mandac Diosca paipac poderta ricuchinga. Chaitaca tucui gentecunami ricunga. Chaitaca Mandac Dios ñucami nini» nirca.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 66:23

Quillanta, samana punzhantami tucui mashna ñuca ñaupaman shamushpa, ñucata alli ninga.

EZEQUIEL 11:19

Paicunamanca mushuc yuyaita, mushuc shungutami cusha. Rumi shunguta anchuchishpami, aicha shunguta churasha.

EZEQUIEL 39:29

Ñucaca jaicapi paicunataca mana saquishachu. Ashtahuanpish paicunapica ñuca Espiritutami churasha nini” ninmi ningui» nirca.

DANIEL 10:14

Chai muscuipi shina ricushcaca shamuc punzhacunapimi tucunga. Chaimantami tucuri punzhacunapi cambac llacta gentecuna ima tucunata huillac shamuni” nirca.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

MIQUEAS 4:1

Shamuc punzhacunapica Mandac Diospac huasi tiyacuc urcuca tucui urcucunamanta yallimi canga. Tucuita yalli ashtahuan jatunmi canga. Chaimantami tucui llactacunamanta chai urcuman chayanga.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

SAN LUCAS 3:6

Tucui gentecunami Dios quishpichicuctaca ricunga” ninmi» nirca.

SAN JUAN 17:2

Canca ñucaman cushcacunaman huiñai causaita cuchunmi, tucui gentecunata ñuca maquipi churarcangui.

SAN JUAN 7:39

Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

HECHOS 10:45

Pedrohuan shamuc Jesusta cric israelcunaca, Diospac Espíritu mana israelcunapacmanpish shamushcata ricushpami mancharircacuna.

HECHOS 11:27

Chai punzhacunapimi, Dios ima nishcata huillaccunaca Jerusalenmanta Antioquía puebloman shamurca.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

HECHOS 2:16

Ashtahuanpish Dios ima nishcata huillac Joel huillashcami pactashca. Pai huillashpaca:

HECHOS 2:18

Chai punzhacunapica ñucata cazuc caricunamanpish, huarmicunamanpish ñuca Espirituta cachashami. Chashna cachacpica, ñucamanta huillangacunami.

HECHOS 2:33

Jesús causarishpaca, jahua pacha Diospac alli maquimanmi tiyacun. Chashnami Diosca pai cusha nishca paipac Espirituta Jesusman cucpi, paica ñucanchicman cachashca. Chaitami cunanca cancunaca ricucunguichic, uyacunguichic.

HECHOS 21:9

Felipeca chuscu ushi solteracunatami charirca. Paicunaca Dios ima nishcata huillacmi carca.

ROMANOS 5:5

Diosca paipac Espirituta cachashpami, ñucanchic shungupi cuyaita churashca. Chaimantami mana yanga shuyacunchic.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

HEBREOS 1:2

Shina cacpipish, cunan tucuri punzhacunapica, paipac Churitami huillachishca. Diosca Paillahuantacmi cai pachataca ruhuarca. Paillamantacmi tucui ima tiyashcataca cushca.

SANTIAGO 5:3

Cancuna charishca curipish, cullquipish mujusyashcami. Chai mujusyashcallatacmi, cancuna mana alli cashcataca ricuchishpa, nina shina llaquichinga. Cancunaca cai tucuri punzhacunapami, charinacunataca yallita tandachishcanguichic.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami: