HECHOS 2:10 - Dios Rimashcata Quillcashcami

¹⁰ Frigia llactamanta, Panfilia llactamanta, Egipto llactamanta, Africa, Cirene pueblo cuchulla llactacunamantami canchic. Roma llactapi causac israelcunapish, Israel aillucunapishmi canchic. Maijancunaca israelcuna yachachishcata caticcunallami canchic.

Nuevo Testamento en Quichua Cañar 1996

¹⁰ Frigia llactamanta, Panfilia llactamanta, Egipto llactamanta, Africapi cac Cirene pueblo cuchulla llactacunamantami caipica canchic. Shinallatac Roma*f** llactamanta shamushpami, caipi causacunchic. Maijancunaca Israel*f** aillupuratacmi canchic. Maijancunaca shamushpa, israelcuna yachachishcata c'aticcunallami canchic.

HECHOS 2:10 ပူးပေါင်းရင်းမြစ်များ

GÉNESIS 12:10

Chai llactapi yalli yarcai tiyashcamantami Abramca Egiptopi causangapac rirca.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

JEREMÍAS 9:26

Egipto llactatapish, Judá llactatapish, Edom llactatapish, Amón llactatapish, Moab llactacunapi causaccunatapish, shitashca pamba ladocunapi causaccunatapish tucuimi llaquichisha. Chai tucui llactapi causaccunami mana circuncisionta ruhuashcacuna. Shinallatac tucui israelcunami mana circuncisionta ruhuashca shina, mana alli shunguhuan causancuna» ninmi.

EZEQUIEL 30:5

Etiopía, Libia, Lidia llactapi causaccunapish, Arabia, Cub llactacunapi causaccunapish, Egipto llactahuan apanacuc llactacunapish jatun macanacuipimi huañunga.

DANIEL 11:43

Egiptomantaca curimanta, cullquimanta ruhuashca sumaccunata, tucui ima valishcacunatami apanga. Libia llactapi, Etiopía llactapi causaccunaca paitami catinga.

OSEAS 11:1

Mandac Diosca: «Israelcunataca huambrarac cacpimi, yallita cuyarcani. Ñuca churitaca Egiptomantami cayarcani.

ZACARÍAS 8:20

Tucuita Mandac Dios cutin rimashpaca: «Achca llactapi causaccunapish, jatun llactapi causaccunapish shamungami.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

SAN MATEO 2:15

Mandac Dios ñaupa huillacman huillachishca pactachunmi, chai llactapi Herodes huañungacaman causarcacuna. Pai huillachishpaca: «Egipto llactamantami ñuca Churitaca cayarcani» nishcami carca.

SAN MATEO 23:15

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunata caticcunata mashcashpami, mama cuchata, allpata puringuichic. Tarishpaca, cancunata yalli ucu pachaman rinallatami ruhuanguichic.

SAN MATEO 27:32

Chaimanta ricushpami, Cirene pueblomanta Simón runahuan tuparca. Paimanmi Jesuspac cruzta apachishpa rircacuna.

MARCOS 15:21

Alejandropac, Rufopac taita, Cirene llacta Simonmi chagramanta shamurca. Paimanmi Jesuspac cruzta apachirca.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

HECHOS 13:13

Pafos pueblomanta Pablo paihuan puriccunahuan barcopi rishpaca, Panfilia llacta Perge pueblomanmi chayarca. Marcos nishca Juanca paicunamanta raquirishpami, Jerusalenman cutirca.

HECHOS 13:43

Tucui chaipi caccuna llucshicpica, tauca israelcunapish, israelcuna yachachishcata caticcunapish Pablota, Bernabetami caticurcacuna. Chai caticcunataca Diosta tucui shunguhuan alli catichun, Dios cuyacushcatapish ama cungarichunmi cunashpa saquirca.

HECHOS 14:24

Pablo Bernabehuan Pisidia llactata rishpaca, Panfilia llactamanmi chayarca.

HECHOS 15:38

Chashna nicpimi Pabloca: —Sarun ñucanchic huillanata manarac tucuchicpimi, Panfilia llactacaman rishpa, ñucanchicta shitashpa cutimurca. Chaimantami mana pushasha nini— nirca.

HECHOS 16:6

Pablo, paihuan puriccunahuan Asia llactapi alli huillaita huillagricucpimi, Diospac Espirituca jarcarca. Chaimantami Frigia llactata, Galacia llactata rirca.

HECHOS 17:21

(Atenas pueblo gentecunapish, carumanta shamushca gentecunapish, ima manarac uyashcata parlana, uyana yuyailla causarcacuna).

HECHOS 18:2

Chai pueblopimi Ponto llactamanta Aquila shuti Israel runahuan tuparca. Chaica, Roma llactata jatun mandac Claudio tucui chaipi causac israelcuna chai llactamanta llucshichun nishcamantami, chai Aquilaca paipac huarmi Priscilandi Italia llactamanta llucshishpa, Corinto puebloman cunanlla shamushca carca. Pabloca paicunapacmanmi rirca.

HECHOS 18:23

Chai pueblopi asha punzhacunata cashpaca, Galacia llactata, Frigia llactata rishpami, chaipi criccunata cunashpa cushichirca.

HECHOS 2:11

Shinallatac Creta llactamanta, Arabia llactamantami caipi canchic. Dios mancharinata ruhuashcataca, tucui shamuccunami quiquin rimaipi uyacunchic— ninacurca.

HECHOS 23:11

Chai quipa tuta Apunchic Jesús ricurishpaca: «Pablo, ama manchaichu. Ima shinami cai Jerusalenpi ñucamanta huillacungui, chashnallatacmi Roma pueblopipish huillana cangui» nirca.

HECHOS 27:5

Cilicia llacta, Panfilia llacta chimba ladota rishpami, Licia llacta Mira puebloman chayarcanchic.

HECHOS 28:15

Chai pueblo criccuna ñucanchic shamucucta yachashpami, Apio pueblo plazapipish, Quimsa Chuclla pueblopipish tupangapac shamushca carca. Paicunata Pablo ricushpaca, Diosta pagui nishpa, cushicushpami sinchiyarca.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HECHOS 6:9

Chaimantami, maijan “Servic cashcamanta cacharichishca” nishcacunapish, Cirene pueblomanta, Alejandría pueblomanta, Cilicia llactamanta, Asia llactamanta runacunapish Estebanhuan rimari callarircacuna.

ROMANOS 1:15

Chaimantami Roma pueblopi causac cancunamanpish alli huillaita huillana yuyailla cani.

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

2 TIMOTEO 1:17

Roma llactaman chayashpapish, mana samarishpami taringacaman ñucataca mashcarca.

APOCALIPSIS 11:8

Chai huañushcacunaca jatun pueblo plazapimi siricunga. Chai pueblollapitacmi Mandac Apunchic Jesustaca chacatarcacuna. Chai pueblotaca Sodoma pueblohuan, Egipto llactahuanmi chimbapurashca.