HECHOS 19:9 - Dios Rimashcata Quillcashcami

⁹ Maijancunaca rumi shungu tucushpa, crinata mana munashpami tucuipac ñaupapi “Jesusta crinaca mana allichu” nishpa rimarcacuna. Chaimantami Pabloca tucui criccunata Tirano runa yachachina huasiman pushashpa, punzhanta yachachirca.

Nuevo Testamento en Quichua Cañar 1996

⁹ “Jesusta crishpa, alli causaichic” nishpa huillacucpipish, maijan rumi shungu gentecunaca chai huillashcata mana cazushpami, tucuipac ñaupapi millaita rimarcacuna. Chaimantami Pabloca tucui criccunandic Tirano runa yachachina huasiman rishpa, punzhanta huillashpa yachachirca.

HECHOS 19:9 ပူးပေါင်းရင်းမြစ်များ

2 REYES 17:14

Ashtahuanpish paicunaca, paicunapac ñaupa taitacuna shinallatacmi sinchi shungu tucushpa mana cazurcacuna. Chai taitacunaca paicunata Mandac Diostaca mana crircacunachu.

2 CRÓNICAS 30:8

Cunanca, ama cancunapac ñaupa taitacuna shina sinchi shungu tucuichicchu. Ashtahuanpish Mandac Diosta cazushpa, paipac huasiman shamuichic. Chai huasitaca Diosmi huiñaita paipaclla cachun chicanyachishca. Cancunata Mandac Diosta servichic. Shina servicpimi, nina japiric shina piñarishcamantaca cancunahuan alli tucunga.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

NEHEMÍAS 9:29

Can mandashcata pactachichun nishpa rimacpipish, jatun tucushpami, mana cazurcacuna. Can yachachishcacunatapish, mana cazushpami, juchata ruhuarca. Maijanpish cazuccunamanca, chai mandashcacunami causaita cun. Paicunaca sinchi tucushpami, chai mandashcacunata yangata ruhuashpa mana uyarcacuna.

SALMOS 95:8

«Meriba pambapi ruhuashca shina, shitashca pamba Masapi ruhuashca punzhacuna shina ama cancunapish rumi shungu tucuichicchu.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

ISAÍAS 8:14

Shina cacpimi, paicunapac huasi shina casha. Shina cashpapish ishcai llacta israelcunapacca mitcarina rumi shina, cutin Jerusalenpi causaccunapacca tuclla shinami casha.

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 7:26

Shina cachacpipish, mana uyarcacunachu. Ashtahuanpish paicunapac taitacunata yalli sinchi shungu tucushpami, mana allita ruhuarca.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

SAN MATEO 16:4

Diosta mana cazuc, millai gentecuna milagrota ruhuashpa ricuchichunmi ninguichic. Chashna cashpapish imata mana ricunguichicchu, ashtahuanpish Dios ima nishcata huillac Jonás ima tucushcallatami ricunguichic» nirca. Chashna nishpaca chaimanta rircallami.

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

SAN JUAN 12:40

«Paicunapac ñahuita huichcarcami. Paicunapac shungutapish sinchiyachircami. Ñahuicunahuan ama ricuchun, paicunapac shungu ama yuyaita japichunmi cashna ruhuarca. Chaimantami ñucapacman mana cutimunga. Paicunataca mana alliyachishachu» nishcami.

HECHOS 11:26

Chaipica huata jundatami achca gentecunaman yachachishpa, criccunahuan tandanacushpa causarca. Chai pueblopimi Apunchic Jesusta caticcunataca: “Criccuna” nishpa, cayai callarirca.

HECHOS 14:4

Chaimantami chai pueblopi causaccunaca maijancunaca israelcuna parte, maijancunaca apostolcuna parte tucushpa chicanyarinacurca.

HECHOS 17:4

Chaimantami tauca israelcuna crishpa Pablohuan, Silas-huan tandanacurca. Diosta yuyaric mana Israel runacunapish, alli nishca huarmicunapish achcami crirca.

HECHOS 19:23

Chai punzhacunami Efeso pueblopi Jesusta catinamanta huillashcamanta piña jatarircacuna.

HECHOS 19:30

Chai gentecunaman huillangapac Pablo yaicusha nicpipish, criccunaca mana yaicuchun saquircachu.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

HECHOS 22:4

Ñucapish ñaupaca Jesusta caticcunata huañuchisha nishpami, huarmicunatapish, caricunatapish japishpa, carcelman apac carcani.

HECHOS 24:21

Paicunapac ñaupapi: “Huañushcacuna causarinata crishcallamantami, cunan juchanchicunguichic” nishpa, caparishcamantami juchanchicun— nirca.

HECHOS 28:22

Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

HECHOS 7:51

Rumi shungu gentecuna, Dios ima nishcata mana cazuccunami canguichic. Cancunapac ñaupa taitacuna shinami, Diospac Espiritutapish mana cazunguichic.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

ROMANOS 11:7

Shinashpaca, ¿imatatac nishun? Israelcunaca paicuna mashcacushcataca mana japircachu. Ashtahuanpish Dios acllashcacunallami japirca. Shuccunaca rumi shungumi tucurca.

ROMANOS 9:18

Shina cacpica, Diosca maijanta llaquisha nishpaca llaquinllami, maijanta shunguta sinchiyachisha nishpaca sinchiyachinllami.

1 CORINTIOS 16:9

Taucacuna piñacucpipish, Jesucristomanta ñuca huillachunca, pungu pascashca shinami can.

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

2 TIMOTEO 1:15

Asia llactamanta caccuna tucui mashna ñucataca shitashpa rishcataca, canllatac yachanguimi. Paicunapurapica Figelopish, Hermogenespish carcami.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

HEBREOS 3:13

Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

2 PEDRO 2:12

Chai pandata yachachiccunaca imatapish mana entendishpami mana allichu nishpa rimancuna. Chashna cashpami ima shinapish causashpa, japishpa huañuchina animalcuna shina causashpa huañungacuna.

2 PEDRO 2:2

Taucacunami paicuna mana alli causacuc shinallatac causangacuna. Chaimantami cashcata nic huillashcata catinatapish mana allichu nishpa rimangacuna.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpami, mana allita rimancuna. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.