HECHOS 19:35 - Dios Rimashcata Quillcashcami

³⁵ Chaimanta, chai pueblota mandacpac quillcac gentecunata upallachishpaca: «Huauquicuna, cai Efeso pueblopi causaccunami, tucuipac alli nishca Dianata adorana huasitaca ricuna canchic. Chaitaca tucuimi yachancuna. Chai Dianaca Júpiter nishca luceromanta shamushca diosmi.

Nuevo Testamento en Quichua Cañar 1996

³⁵ Shina caparinacucpi, chai pueblota mandacpac quillcacca tucui chaipi caccunata upallachishpami: —Cai Efeso pueblopi causaccunami, tucuipac alli nishca Dianata adorana huasitaca ricuna canchic. Chaitaca tucuimi yachancuna. Chai Dianaca Júpiter nishca luceromanta shamushca diosmi.

HECHOS 19:35 ပူးပေါင်းရင်းမြစ်များ

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

HECHOS 18:19

Efeso puebloman chayashpaca, Pabloca Aquilamanta, Priscilamanta raquirishpami, tandanacuna huasiman yaicushpa, israelcunahuan rimanacurca.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

HECHOS 19:34

Ashtahuanpish Alejandrotaca israelcunapura cashcata ricsishpami, tucui chaipi cac gentecunaca: «¡Efeso pueblopac Diana diosca jatunmi!» nishpa, ishcai hora shinata caparirca.

HECHOS 19:36

Chaitaca pi mana negai pudinchu. Chaimanta upalla caichic. Imata ruhuacushcataca allita yuyarichic.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

1 TIMOTEO 4:2

mishqui shimi jayac shungu, llullaccuna, ima nishcata uyashpami crishcatapish saquishpa ña mana catishun ningacuna. Chai gentecunaca shungupi diablo unanchishcamantami ima allita ruhuana yuyaitapish mana charincuna.