HECHOS 19:21 - Dios Rimashcata Quillcashcami

²¹ Chai quipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantami: «Roma pueblomanpish rinami cani» nicurca.

Nuevo Testamento en Quichua Cañar 1996

²¹ Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 19:21 ပူးပေါင်းရင်းမြစ်များ

LAMENTACIONES 3:37

Mandac Dios mana mandacpica, ¿pitac imata huillanga?

HECHOS 16:12

Chaimantaca Macedonia llacta jatun Filipos pueblomanmi rircanchic. Chai pueblopica, Roma llactamanta shamushcacunami causacushca carca. Chai pueblopimi asha punzhacunata carcanchic.

HECHOS 18:12

Mandac Galión Acaya llactata mandacui punzhacunapimi, israelcunaca tandanacushpa, Pablota llaquichingapac mandacpac ñaupaman aparca.

HECHOS 18:21

Ashtahuanpish paica: —Ñucaca Pascua fiestataca Jerusalenpimi cana cani. Dios munacpica, cancunata ricungapac cutimushami— nishpami, paicunata chaipi saquishpa, barcopi Efeso pueblomanta rirca.

HECHOS 19:22

Chashna yuyashpami, paita ayudac Timoteotapish, Erastotapish Macedonia llactaman cacharca. Paica chai Asia llactallapitacmi asha punzhacaman saquirirca.

HECHOS 19:29

Chaimantami tucui gentecuna ashtahuan piñarishpa caparicurca. Chashnami Pablohuan puric Macedonia llactamanta Gayotapish, Aristarcotapish japishpa, tandanacuna jatun ucuman aparcacuna.

HECHOS 20:16

Pabloca ima shinapish Jerusalenpi Pentecostés punzhata canatami yuyarishca carca. Chaimantami Pabloca Asia llactapi mana unaiyashpa, Efeso pueblopi mana yaicushpa, barcopi rircalla.

HECHOS 20:22

Cunanca Diospac Espíritu yuyaita cucpimi, Jerusalenman ricuni. Chai pueblopi ima tucunataca mana yachanichu.

HECHOS 21:17

Jerusalenman chayacpica, tucui criccunami cushicushpa tuparca.

HECHOS 21:4

Chaipi criccunata tarishpaca, canchis punzhatami paicunahuan carcanchic. Chai criccunaman Diospac Espíritu yuyaita cucpimi Pablotaca: “Jerusalenman ama richu” nishpa jarcarca.

HECHOS 23:11

Chai quipa tuta Apunchic Jesús ricurishpaca: «Pablo, ama manchaichu. Ima shinami cai Jerusalenpi ñucamanta huillacungui, chashnallatacmi Roma pueblopipish huillana cangui» nirca.

HECHOS 27:1

Ñucanchicta Italia llactaman cachanata yuyarishpaca, Pablotapish, shuctac prezucunatapishmi pasac soldadocunata mandac Julioman cushpa cacharca. Paica jatun mandac Augustopac soldadocunapurami carca.

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.

HECHOS 28:16

Ña Romaman chayashpaca, patsac soldadocunata mandacca Pablotaca cuidac soldadohuanmi shuc huasipi chican churarca.

ROMANOS 1:11

Cancuna sinchi cric cachunmi, Diospac Espíritu yuyaita cushcata cancunaman huillangapac rinata munacuni.

ROMANOS 1:13

Cuyashca criccuna, shuctac llactacunapi huillashpa criccunata tandachishca shina, cancunapac llactapipish tandachingapacmi tauca cutin cancunata ricugrinata munarcani. Shina cashpapish, imapish jarcaicuna tiyashcamantami mana ricugri pudircani. Chaitami yachachun munani.

ROMANOS 1:15

Chaimantami Roma pueblopi causac cancunamanpish alli huillaita huillana yuyailla cani.

1 CORINTIOS 16:5

Ñuca rishpaca Macedonia llactatami pasasha. Macedonia llactamantaca Corinto pueblomanmi chayasha.

1 CORINTIOS 4:19

Ashtahuanpish Apunchic Jesús munacpica, utcami cancunata ricungapac risha. Chaipimi chai jatun tucushcacuna mana shimillahuan nicushcata ashtahuanpish, imatapish ruhuac cashcata ricusha.

2 CORINTIOS 10:16

Chashnami cancunapac llactamanta ashtahuan carupipish quishpirinamanta alli huillaitaca huillangapac rinatami munanchic. Shina cashpapish shuccuna ña huillashca gentecunapacman chayashpa, “ñucanchicmi huillac canchic” nishpa jatun tucunataca mana munanchicchu.

GÁLATAS 2:1

Chunga chuscu huata quipami Bernabehuan cutin Jerusalén puebloman ricushpaca, Titotapish apashpa rircani.

1 TESALONICENSES 1:7

Chashna catishpami, cancunaca Macedonia llacta, Acaya llacta tucui criccunamanca allita catinata ricuchircanguichic.