HECHOS 19:19 - Dios Rimashcata Quillcashcami

¹⁹ Shinallatac maijan brujocunapish brujianata yachachic librocunatami tucui gentecunapac ñaupapi rupachingapac apamurca. Chai tucui librocunaca pichca chunga huaranga dracma cullqui valicmi cashca carca.

Nuevo Testamento en Quichua Cañar 1996

¹⁹ Shinallatac taucacunami brujianata yachachic librocunata tucui gentecunapac ñaupapi rupachingapac apamurcacuna. Chai librocunata rupachishca q'uipa, mashna valipac cashcata ricucpica, pichca chunga huaranga dracma*f** cullqui valicmi cashca carca.

HECHOS 19:19 ပူးပေါင်းရင်းမြစ်များ

GÉNESIS 35:4

Shina nicpimi, paicuna charishca chican dioscunatapish, ringripi churashca zarcillocunatapish Jacoboman curca. Chashna cucpimi, Jacoboca Siquem llacta ladopi tiyac encina yura ucupi pacarca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

ÉXODO 32:20

Chashna ruhuashpaca curimanta ruhuashca becita ninapi rupachishpa, ñutuchishpami polvota ruhuarca. Chai polvotaca yacupi churashpami, israelcunaman ubiachirca.

ÉXODO 7:11

Chaimantami Faraonpish Egiptopi causac yachaccunata, brujocunata cayarca. Paicunaca Egiptopi causac yachaccuna shinallatacmi ruhuarca.

ÉXODO 7:22

Egiptopi causac brujocunapish paicuna yachac cashca shinallatacmi ruhuarca. Mandac Dios nishca shinallatacmi Faraonca mana uyasha nishpa, sinchi shungu catirca.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

DANIEL 2:2

Chaimantami jatun mandacca chai muscushcata tapungapac yachaccunata, lucerota ricushpa yachacuccunata, brujocunata, caldeocunata cayachun cacharca. Chashna cayacpimi, jatun mandacpac ñaupaman shamurca.

LEVÍTICO 13:52

Ima churanapi, lino puchca aullishcapi, mana cashpaca millma puchca ahuashcapi, mana cashpaca caramanta ruhuashcacunapi mapa lepra ungüi cashcamantaca tucuimi ninapi rupachina can.

SAN LUCAS 14:33

Chashnallatac maijanpish tucui charishcacunata mana saquishpaca, mana ñuca yachacuc cai pudinchu.

SAN LUCAS 15:8

Shuc huarmi, chunga cullquita charicushpa shuc chingaricpica, ¿manachu luzta japichishpa, huasi ucuta pichashpa, taringacaman mashcanman?

HECHOS 13:6

Tucui Chipre llactapi huillashpa puricushpami, Pafos puebloman chayarcacuna. Chaipimi israelcunapuramanta Barjesús brujohuan tuparcacuna. Paica: “Dios ima nishcata huillacmi cani” nishpami, llullac carca.

HECHOS 13:8

Paicuna huillangapac shamucpica, chai brujoca ama crichunmi chai mandactaca jarcarca. Barjesús shutica griego rimaipica Elimas nisha ninmi.

HECHOS 19:18

Tauca criccunami paicuna manarac crishpa, mana allita ruhuashcacunata llaquirishpa, tucuipac ñaupapi huillarca.

HEBREOS 10:34

Carcelpi caccunamantaca yallita llaquirircanguichicmi. Cancuna jahua pachapi huiñai huiñaipac tucuimanta yalli allita charishcamantami ima charishcata quichucpipish, cushilla carcanguichic.