HECHOS 19:13 - Dios Rimashcata Quillcashcami

¹³ Rimarishpalla supaicunata llucchic maijan israelcunapish Apunchic Jesuspac shutita rimashpa, supaicunata llucchinatami yuyarcacuna. Chaimantami supaicunataca: «Pablo huillacuc Jesuspac shutipimi llucshi nini» nirca.

Nuevo Testamento en Quichua Cañar 1996

¹³ Israelcunapuramantapish maijancunaca supaicunata llucchishpa puriccuna cashpami, paicunapish Apunchic Jesuspac shutillatatac rimashpa, supaicunataca llucchinata yuyarcacuna. Chaimantami supaicunataca: “Pablo huillacuc Jesuspac shutipimi llucshi nini” nircacuna.

HECHOS 19:13 ပူးပေါင်းရင်းမြစ်များ

GÉNESIS 4:12

Can allpapi granota tarpucpipish, cutinca mana pucungachu. Cai allpapica maimanta shamushca shinami, maipi mana causai pudishpa puricunguilla— nirca.

GÉNESIS 4:14

Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.

1 REYES 22:16

Shina nicpimi, jatun mandacca: —¿Mashna cutin mana llullashpa chashna canatatac Mandac Diospac shutipi huillai nicushayari?— nirca.

SALMOS 109:10

Paipac huahua huahuacunapish yanga purishpa mañashpalla micuchun. Paicunapac huasimanta caruman llucshishpa llaquinayaita micunata mashcachun.

SAN MATEO 12:27

Ñuca Beelzebuhuan supaicunata llucchishpa cachacpica, cancunapac yachacuccunaca, ¿pihuantac supaicunata llucchin? Chashna cacpica, paicunallatacmi cancuna pandaricushcataca ricuchincuna.

SAN MATEO 26:63

Ashtahuanpish, Jesusca imata mana nircachu. Chaimantami mandac curaca: —Causac Diospac shutipi huillai. ¿Canchu Diospac Churi Cristoca cangui?— nirca.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

MARCOS 9:38

Shina nicpimi Juanca: —Yachachic, cambac shutipimi shuc runaca supaicunata llucchishpa cachacucta ricurcanchic. Paica mana ñucanchicpura cacpimi, jarcarcanchic— nirca.

SAN LUCAS 11:19

Ñuca Beelzebuhuan cashpa, supaicunataca llucchishpa cachacpica, ¿cancunapac yachacuccunaca pipac poderhuantac llucchishpa cachan? Chaimanta paicunallatacmi cancuna pandaricushcata ricuchin.

SAN LUCAS 9:49

Juanca Jesustaca: —Yachachic, shuc runatami cambac shutipi supaicunata llucchishpa cachacucta ricurcanchic. Mana ñucanchicpura cashcamantami, ama chashna ruhuachun jarcarcanchic— nirca.

HECHOS 19:14

Israel curacunata mandac Escevapac canchis churicunami chashna ruhuaccuna carca.

2 CORINTIOS 11:4

Maijanpish ñucanchic huillashca Jesusmanta shuctaclayaman huillangapac chayacpi, cancuna chasquishca Espiritumanta shuctaclaya espiritutapish, cancuna chasquishca alli huillaimanta shuctaclaya huillaitapish cancunaca chasquinguichicllami.

JOSUÉ 6:26

Chai punzhacunapimi Josueca pactachingapac ari nishpaca: «¡Maijanpish cai Jericó pueblota cutinllatac allichishpa shayachicca Mandac Diospac ñaupapi mana alli nishca cachun! Cai pueblo callari pircataca paipac punta churipac jahuapi churachun. Cai pueblo pungutaca quipa churipac jahuapi churachun» nirca.

1 SAMUEL 14:24

Shina macanacuita mishashca cacpipish Saulca: «Ñucaca, ñucata piñaccunata paicuna llaquichishca shina, manarac tutayacpi llaquichingacaman mana micushachu. Maijanpish micuctaca mana alli nishcami canga» nishpami ari nichishca carca. Chaimantami tucui gentecuna imatapish mana micushpa yalli yarcaihuan huañunalla carca.