HECHOS 18:6 - Dios Rimashcata Quillcashcami

⁶ Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

Nuevo Testamento en Quichua Cañar 1996

⁶ Chashna huillacucpimi, israelcunaca p'iñarishpa, Pablota c'amishpa rimai callarircacuna. Chaimantami Pabloca pai huillashcata mana uyashun nishcamanta churanata chaspirishpaca: —Ñuca huillana cashcataca ña cancunaman huillanimi. Cancuna mana crishpa juchallapitac huañucpica, Taita Diosca ñucataca mana juchanchingachu. Cunanmanta q'uipamanca, mana israelcunamanmi huillashpa purigrini— nirca.

HECHOS 18:6 ပူးပေါင်းရင်းမြစ်များ

2 SAMUEL 1:16

Chashna huañuchishca quipami Davidca: —Cambac shimillahuantac: “Aceitehuan cahuishpa Mandac Dios acllashca runataca ñucami huañuchircani” nishpaca cambac shimillahuantacmi llaqui tucushcangui. Chaimanta canta huañuchishpa jichashca yahuarca cambac jahuallatami— nirca.

1 REYES 2:33

Paicunapac yahuarca Joabpac jahuallapitac, shinallatac paipac huahua huahuacunapac jahuallapitac urmachun. Ashtahuanpish, Davidmanpish paipac huahua huahuacunamanpish, paipac huasi ucupuracunamanpish, pai mandangapac tiyarinapipish, Mandac Diosca huiñaita sumac causaita cuchun— nirca.

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 33:4

Maijanpish chaita uyashpa, mana miticushpa, jatun macanacuipi huañucca paillatacmi faltayuc canga.

EZEQUIEL 33:6

Jatun macanacui shamucta ricushpapish chai cuidac runa cornetapi mana tocashpa uyachicpi, maijan mana miticushpa, jatun macanacuipi huañuchicpica, paipac juchamantami huañunga. Shina cashpapish paipac yahuarmantaca cuidac runami juchanchishca canga.

LEVÍTICO 20:9

Maijanpish paipac taita mamata imapish tucushca canman nicca huañuchishcami canga. Paica mana allita ruhuashcamantami huañuchishca canga.

SAN MATEO 10:14

Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi catirishca allpatapish chaillapitac chaspishpa ringuichic.

SAN MATEO 21:41

Shina nicpimi paicunaca: —Mana llaquishpami, chai runacunataca huañuchinga. Chashna huañuchishpami, chagrayucca chagrata chaupina punzha chayamucpi, chaupishpa cuclla shuctac runacunaman cunga— nirca.

SAN MATEO 21:43

Chaimantami cancunamanta Dios mandanata quichushpa, pai munashcata ruhuaccunaman cushca canga.

SAN MATEO 22:10

Chaimantami serviccunaca ñancunaman llucshishpa, pipish ricuricta alli cachun, mana alli cachun bodaman cayamurca. Chashnami boda huasipica jundachirca.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN MATEO 8:11

Ñucaca ninimi: Achcacunami inti llucshinamanta, inti yaicunamanta tandarishpa, ñaupa taita Abrahamhuan, Isaac-huan, Jacobohuan jahua pacha Dios mandacucpi micungapac tiyaringa.

SAN LUCAS 22:65

Shinallatac Jesustaca munai camishpami imatapish rimarcacuna.

SAN LUCAS 9:5

Maijan pueblopi mana chasquisha nicpica, chaquipi catirishca allpatapish chaspishpa ringuichic. Chashna ruhuacpimi, paicuna mana allita ruhuashcata yachangacuna— nirca.

HECHOS 13:51

Chashna ruhuacpica, mana chasquishun nishcata ricuchingapacmi, chaquipi catirishca allpatapish chaspi shitashpa, Iconio puebloman rircacuna.

HECHOS 26:11

Tauca cutinmi tandanacuna huasicunaman yaicushpa, criccunata llaquichishpa, Jesusta negachircani. Criccunata yallita piñashpami, shuctac llactacunapipish llaquichishpa puric carcani.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

HECHOS 28:28

Caitaca alli yachaichic: Mana israelcunamanmi Diosca quishpirinamanta huillachun cachashca. Paicunami uyangacuna— nirca.

ROMANOS 3:29

¿Diosca israelcunapaclla Dioschu? ¿Manachu mana israelcunapacpish Dios? Ari, shinami can. Diosca tucuipac Diosmi.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

2 TIMOTEO 2:25

Piñaccunatapish cuyai shunguhuanmi yachachina can. Chashna yachachicpi Dios paiman cutirina yuyaita cucpi, cashcata nic huillashcata cringacunapishchari.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.

1 PEDRO 4:4

Cunanca paicunahuan pacta imapish mana allicunata ña mana ruhuacpimi, paicunaca cancunataca camishpa rimancuna.