HECHOS 18:4 - Dios Rimashcata Quillcashcami

⁴ Pabloca samana punzhacunapica tandanacuna huasiman rishpami, israelcunapish, mana israelcunapish crichun, yachachic carca.

Nuevo Testamento en Quichua Cañar 1996

⁴ Pabloca samana punzhacunapica*f** tandanacuna huasiman rishpa, israelcunapish, mana israelcunapish*f** crichunmi, huillashpaca alli yachachic carca.

HECHOS 18:4 ပူးပေါင်းရင်းမြစ်များ

GÉNESIS 9:27

Diosca Jafettaca achcata mirachishpa, jatun llactata ruhuachun. Paipac aillucunaca Sem ruhuashca carpa huasicunapi causachun. Canaanca paita servic cachun» nirca.

2 CRÓNICAS 32:11

Ezequiasca cancunataca: “Ñucanchicta Mandac Diosmi Asiria llactata jatun mandacpac maquimanta cacharichinga” nicunmi. Chashna nishpaca, cancuna yarcaihuan, yacunayaihuan huañuchunllami chashna nicun.

SAN LUCAS 16:31

Shina nicpimi Abrahamca: “Moisés mandashcacunatapish, Dios ima nishcata huillaccuna huillashcacunatapish mana cazushpaca, huañushcacunapuramanta maijan causarishpa ricpipish, ¡maitatac cazungayari!” nircami» nirca.

SAN LUCAS 4:16

Jesusca pai huiñashca Nazaret pueblomanmi rirca. Chaipimi utcaman ric cashca shinallatac samana punzhapi israelcuna tandanacuna huasiman yaicurca. Chaipimi Dios quillcachishcata rezangapac shayarirca.

SAN JUAN 7:35

Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

HECHOS 13:14

Pablohuan, Bernabehuan Pergemanta llucshishpaca, Pisidia llacta Antioquía pueblomanmi rirca. Chaiman chayashpaca, samana punzha cacpimi, israelcuna tandanacuna huasiman yaicurca.

HECHOS 14:1

Iconio pueblopimi Pabloca Bernabehuan israelcuna tandanacuna huasiman yaicushpa, alli huillaita huillarca. Chashna huillacpimi, israelcunapish, mana israelcunapish achcacuna Jesusta crircacuna.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

HECHOS 17:17

Chaimantami tandanacuna huasiman yaicushpa israelcunahuanpish, Diosta yuyaric mana israelcunahuanpish rimanacurca. Jatun plazaman shamuccunahuanpish, punzhantami rimanacurca.

HECHOS 18:13

Chaiman apashpaca: —Cai runaca mandashcacunapi nishcata mana cazushpami, Diosta yuyarichunca, shuclayata yachachin— nirca.

HECHOS 18:19

Efeso puebloman chayashpaca, Pabloca Aquilamanta, Priscilamanta raquirishpami, tandanacuna huasiman yaicushpa, israelcunahuan rimanacurca.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

HECHOS 19:8

Pabloca quimsa quillatami israelcuna tandanacuna huasiman yaicushpa, gentecuna crichun, Dios mandacucmanta mana manchashpa huillarca.

HECHOS 26:28

Pablo chashna nicpimi Agripaca: —¿Ashata nishpallachu, ñucataca cricta ruhuasha ningui?— nirca.

HECHOS 28:23

Chashna nishpami, shuc punzha Pablo ima nishcata uyangapac yuyarinacurca. Chai punzhapimi pai causacuc huasiman achca gentecuna Pablo yachachishcata uyangapac, tandanacumurca. Pabloca Jesusta crichunmi, Dios mandacucmantapish, Moisés mandashcacunamantapish, Dios ima nishcata huillashcamantapish tutamantamanta chishicaman yachachirca.

HECHOS 9:20

Saulo israelcuna tandanacuna huasicunapi Quishpichic Cristomanta huillangapac yaicushpaca: “Jesusca Diospac Churimi” nishpami, huillai callarirca.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.