HECHOS 17:7 - Dios Rimashcata Quillcashcami

⁷ Cai Jasonpish paipac huasipimi chai runacunata chasquic cashca. Tucui paicunami jatun mandac César mandashcataca mana cazushpa: “Ñucanchicta jatun mandacca Jesusmi” nincuna» nishpami caparirca.

Nuevo Testamento en Quichua Cañar 1996

⁷ Cai Jasonpish paipac huasipimi paicunataca chasquic cashca. Tucui paicunami jatun mandac César*f** mandashcataca mana cazushpa: ‘Ñucanchicta jatun mandacca Jesusmi’ nincuna— nishpami caparircacuna.

HECHOS 17:7 ပူးပေါင်းရင်းမြစ်များ

DANIEL 3:12

Chaica, can Babilonia llactata mandachun churashca israelcunapuramanta Sadrac, Misac shinallatac Abed-negomi can mandashcata mana cazushpa, cambac dioscunatapish, can curimanta ruhuashca runaman ricchatapish mana adorancuna.

DANIEL 6:13

Shina nicpimi, paicunaca jatun mandactaca: —Jatun mandaclla, Judá llactamanta prezu apamushcapuramanta Danielca cantapish, can mandashpa shutita churashcatapish mana cazushcachu. Chai mandashcata cazunapac randica, punzhapi quimsa cutinmi Diosta mañan— nirca.

SAN LUCAS 10:38

Jesús ricushpami, uchilla llactaman chayarca. Chaipimi Marta shuti huarmi paipac huasipi Jesusta chasquirca.

SAN LUCAS 23:2

Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

SAN JUAN 19:12

Chaimanta pachami Pilatoca, ima shinapish Jesusta cacharinata munarca. Shina cacpipish israelcunaca: —¡Cai runata cacharishpaca, mana jatun mandac Cesarpac partechu cangui! ¡Maijanpish ‘jatun mandacmi cani’ niricca, jatun mandac Cesarta piñacmi!— nishpa caparirca.

HECHOS 16:21

Ñucanchicman mana yachachinacunatami yachachin. Ñucanchic Roma llacta runacunaca chai yachachishcataca mana uyashun ninchicchu. Mana catishun ninchicchu— nirca.

HECHOS 17:5

Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

HECHOS 17:8

Chaita uyashpami, tucui chaipi caccunapish mandaccunapish yallita piñarirca.

SANTIAGO 2:25

Chai shinallatacmi huainayashpa causac Rahabtapish, chai llactata pacalla ricungapac shamuccunata huasipi chasquishpa shuc ñanta cachashcamanta, Diosca “cashcata ruhuacmi” nishpa chasquirca.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Diosca munan.