HECHOS 17:5 - Dios Rimashcata Quillcashcami

⁵ Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

Nuevo Testamento en Quichua Cañar 1996

⁵ Chashna achcacuna crishcata ricushpami, Jesusta mana cric israelcunaca p'iñarishpa, millai runacunata tandachishpa, chai pueblopi causaccunata caparinacuipi churarcacuna. Chashna ruhuashpaca Pablota, Silasta japishpa, tucui gentecunapac ñaupaman apashun nishpami: “Jasonpac huasipimi canga” nishpa, punguta p'aquircacuna.

HECHOS 17:5 ပူးပေါင်းရင်းမြစ်များ

SALMOS 35:15

Ashtahuanpish ñuca llaquihuan cacpica, tandanacushpami asircacuna. Ñuca mana yachacpimi, ñucata piñaccunaca ñucata llaquichingapac tandanacurca. Paicunaca mana saquishpami, yallita llaquichicurca.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

PROVERBIOS 14:30

Cushilla shunguca cuerpomanpish causaita cunmi. Ashtahuanpish shucpac charishcata munacca tullucunamanmi ungüita apamun.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

SAN MATEO 27:18

Pilatoca Jesustaca envidiamanta apamushcatami yacharca.

HECHOS 13:45

Chashna taucacuna tandanacushcata israelcuna ricushpami envidiashpa rimarcacuna. Chashnami Pablo yachachishcata yangapi churashpa, camishpa rimarircacuna.

HECHOS 14:19

Antioquía pueblomantapish, Iconio pueblomantapish maijan israelcuna shamushpami, gentecunata jatarichirca. Pablota rumicunahuan shitashpa, huañunallata ruhuashpami, “ñami huañun” nishpa, aisashpa, chai pueblomanta llucchirca.

HECHOS 14:2

Ashtahuanpish Jesusta mana cric israelcunaca, mana israelcunatami criccunata piñachun cunarca.

HECHOS 17:13

Tesalónica pueblo israelcuna Berea pueblopipish Diosmanta Pablo huillacucta uyashpami, chaiman rishpa, gentecunata jatarichishpa bullata ruhuarca.

HECHOS 17:6

Chai huasipi Pablota Silasta mana tarishpami, Jasonta, caishuc criccunandi japishpa, mandaccunapac ñaupaman apashpa: «Cai runacunaca cai pachapi maipipish llullashpami puricun. Chashnami caimanpish shamushca.

HECHOS 17:7

Cai Jasonpish paipac huasipimi chai runacunata chasquic cashca. Tucui paicunami jatun mandac César mandashcataca mana cazushpa: “Ñucanchicta jatun mandacca Jesusmi” nincuna» nishpami caparirca.

HECHOS 17:9

Jasonpish, paihuan caccunapish llucshingapac cullquita cuna cashcata cucpica, cacharircallami.

HECHOS 18:12

Mandac Galión Acaya llactata mandacui punzhacunapimi, israelcunaca tandanacushpa, Pablota llaquichingapac mandacpac ñaupaman aparca.

HECHOS 19:40

Cunan cashna bullata ruhuashcamantaca pacta Roma llacta soldadocuna juchanchinman. Paicuna: “¿Imamantatac caita ruhuarcanguichic?” nicpica, imata mana ni pudishunchu» nirca.

HECHOS 7:9

Jacobopac churicunaca paicunapac huauqui Joseta piñashpami, Egipto llactaman catushpa cacharca. Diosca Josehuanmi carca.

ROMANOS 16:21

Ñucata ayudac Timoteopish, ñuca llactamanta Luciopish, Jasonpish, Sosipaterpish saludancunami.

1 CORINTIOS 3:3

Cancunaca cai pacha jucha munashca shina causacushcamantami, rimanacunguichic, piñanacunguichic shinallatac raquirinacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.

GÁLATAS 5:21

shuccuna ama charichun nishpa munaccunami, huañuchiccunami machaccunami, yalli micunallata munaccunami, shinallatac shuctac chashnalaya mana allita ruhuaccunami. Cancunataca utcaman nishca shinallatacmi: “Chashna ruhuaccunaca Dios mandacucpica imata mana charingachu” nishpa, cutinllatac nini.

GÁLATAS 5:26

Ñucanchicpurapica ama jatun tucushun, ama shuccunahuan piñanacushun, shinallatac shuccuna charishcata ama munashunchic.

1 TESALONICENSES 1:6

Cancuna llaquihuan cashpapish, Diospac espíritu cushichicpi, cushilla caticushpaca, ñucanchic catic shinallatacmi Apunchic Jesusta caticunguichic.

SANTIAGO 4:5

Dios quillcachishcapica: «Ñucanchic shungupi espirituta churac Diosca, paipaclla causachunmi munan» nicunmi. Chaitaca, ¿yangalla cashcatachu yuyanguichic?

JUECES 9:4

Paicunaca Baal-berit diosta yuyarina huasi ucumantami canchis chunga cullquita japishpa curca. Chai cullquihuanmi Abimelecca imatapish mana ruhuashpa causac quilla gentecunata pusharca.