HECHOS 17:32 - Dios Rimashcata Quillcashcami

³² Huañushcacunapuramanta causarinamanta Pablo huillacpica, maijanca burlashpa asircami. Cutin maijanca: «Shuc punzhami can huillashcataca ashtahuan uyashun» nircami.

Nuevo Testamento en Quichua Cañar 1996

³² Huañushcacunapuramanta causarinamanta Pablo huillacpica, maijancunaca burlashpa asircacunami. Cutin maijancunaca: —Shuc punzhami can huillashcataca ashtahuan uyashun— nircacuna.

HECHOS 17:32 ပူးပေါင်းရင်းမြစ်များ

GÉNESIS 19:14

Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

SAN LUCAS 14:18

Chashna cayachun cachacpica, caita chaita ninacushpami, mana shamushun nircacuna. Shucca: “Cunanllami allpata randircani. Chaitami ricungapac ricuni. Mana ri pudinichu” nirca.

SAN LUCAS 22:63

Jesusta cuidac runacunaca pucllashpa paita huactarca.

SAN LUCAS 23:11

Herodespish, paipac soldadocunapish Jesusta burlashpa, asishpami, jatun mandac churana sumac churanata churachirca. Chashnami Pilatopacman cutichishpa cacharca.

SAN LUCAS 23:36

Soldadocunapish vinagreta ubiachisha nishpa burlashpaca:

HECHOS 13:41

“Ñuca ima nishcata mana cazushpa burlaccunalla, mancharishpa miticuichic. Chaica, cancuna causacuc punzhacunapica, mancharinacunatami ruhuasha. Chaita pi huillacpipish, mana cringuichicchu” nishcami— nirca.

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

HECHOS 17:31

Diosca pai acllashca punzhapimi, tucui cai pachapi causaccunataca cashcata ruhuashpa taripanga. Chai punzhami pai acllashca runata cachanga. Gentecuna yachachunmi, paitaca huañushcacunapuramanta causachirca— nirca.

HECHOS 17:33

Chaimantami Pabloca chaimanta llucshishpa rircalla.

HECHOS 2:13

Ashtahuanpish maijancunaca: —Caicunaca machashcacunami— nishpami asircacuna.

HECHOS 24:25

Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca: —Cunanca rilla. Cutin uyasha nishpaca, cayachishallami— nirca.

HECHOS 25:19

Ashtahuanpish crinamanta Pablo: “Jesusca huañushpapish causacunmi” nishpa huillashcamantami juchanchircacuna.

HECHOS 26:8

¿Ima nishpatac Dios huañushcacunata causachina cashcata mana cringuichic?

1 CORINTIOS 1:23

Shina cacpipish, ñucanchicca Cristo cruzpi huañushcatami huillacunchic. Cai huillashcaca judiocunataca nanachic shinami, cutin mana judiocunamanca pucllashca shinami ricurin.

1 CORINTIOS 15:12

Cristoca huañushcacunapuramanta causarircami nishpa huillacushca jahua, ¿ima nishpatac cancunapuramanta maijancunaca «huañushcacunaca mana causaringachu» ninguichic?

1 CORINTIOS 4:10

Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

2 CORINTIOS 6:2

Dios quillcachishcapica: «Cancunata ayudana punzhapimi uyarcani. Quishpichina punzhapimi quishpichircani» ninmi. ¡Shina cashcamanta cunanmari Diosca ayudasha nicun! ¡Cunanmari Diosca quishpichisha nicun!

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish, carcelpipish carcami.

HEBREOS 13:13

Chaimanta ñucanchicpish Jesús shinallatac pingai tucushpa, llaquita apangapac pueblomanta llucshishunchic.