HECHOS 17:21 - Dios Rimashcata Quillcashcami

²¹ (Atenas pueblo gentecunapish, carumanta shamushca gentecunapish, ima manarac uyashcata parlana, uyana yuyailla causarcacuna).

Nuevo Testamento en Quichua Cañar 1996

²¹ (Atenas pueblopi causaccunapish, carumanta shamushpa chaipi causaccunapish, tucuimi ima manarac uyashcata parlana, uyana yuyailla causarcacuna).

HECHOS 17:21 ပူးပေါင်းရင်းမြစ်များ

HECHOS 17:15

Pablota pushaccunaca Atenas pueblocamanmi pushashpa rirca. Paita pushaccuna cutimucpica Pabloca: “Timoteotapish, Silastapish utca caiman shamuchun nichic” nishpami cacharca.

HECHOS 17:16

Pabloca Atenas pueblopi Silasta, Timoteota shuyacushpaca, achca ruhuashcalla dioscunata chai pueblopi ricushpami, paipac shungupi yallita piñarirca.

HECHOS 17:20

Pipish mana yachashca yachanatami yachachicushcangui. Chaitaca yachanatami munanchic— nirca.

HECHOS 2:10

Frigia llactamanta, Panfilia llactamanta, Egipto llactamanta, Africa, Cirene pueblo cuchulla llactacunamantami canchic. Roma llactapi causac israelcunapish, Israel aillucunapishmi canchic. Maijancunaca israelcuna yachachishcata caticcunallami canchic.

EFESIOS 5:16

Mana alli causai punzhacunapi causacushcamantaca, allita ruhuana tiyacpica allita ruhuaichiclla.

COLOSENSES 4:5

Cristohuan manarac caccunahuan tandarishpaca, yachaccuna shina caichic. Shinallatac tiempo tiyashcapica allitac ruhuaichic.

1 TIMOTEO 5:13

Shinallatac huasi huasi purishpami, yanga siriccuna tucun. Chashnallapish mana canchu, ashtahuanpish huashalla parlaccuna, tucuipi satirishpa manapish cashcata parlaccunami tucuncuna.