HECHOS 16:36 - Dios Rimashcata Quillcashcami

³⁶ Chaimantami carcelta cuidacca Pablotaca: —Mandaccunami cancunataca cacharichun mandashca. Chaimanta cunanca, cushilla richiclla— nirca.

Nuevo Testamento en Quichua Cañar 1996

³⁶ Chaita huillacpimi, carcelta cuidacca: —Mandaccunami cancunataca cacharichun mandashca. Chaimanta cunanca llucshishpa, cushilla richiclla— nishpa, Pabloman huillarca.

HECHOS 16:36 ပူးပေါင်းရင်းမြစ်များ

2 REYES 5:19

Shina nicpimi Eliseoca: —Ama manchaichu, rilla— nishpa cacharca. Naamán paipac ñaupamanta caruyashpa ricpimi,

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

MARCOS 5:34

Chaimantami Jesusca: —Huahua, can crishcamantami alliyashcangui. Cunanca, cushicushpa rilla. Ungüimantaca jambirishcanguimi— nirca.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

HECHOS 15:33

Chaipi tauca punzhacunata criccunahuan cashpaca, paicunata cachaccunapacmanmi cutishun nirca. Chaimantami chai criccunaca: “Allilla ringuichic” nishpa cacharca.

HECHOS 16:23

Yallita macachishpami, carcelpi churashpa, carcelta cuidacta allita cuidachun mandarca.

HECHOS 16:27

Carcelta cuidac riccharishpaca, tucui cárcel pungucuna pascarishcata ricushpami: “¡Tucui prezucunami llucshishca canga!” yuyashpa, paipac espadallahuantac huañugrirca.

HECHOS 16:35

Cayandi tutamanta, mandaccunaca: “Chai runacunataca cacharishpa cachailla” nishpami soldadocunata carcelta cuidacpacman cacharca.

JUECES 18:6

Shina nicpimi, chai curaca: —Cancunata Mandac Diosmi cuidashpa pushacun, ama manchashpa cushilla richiclla— nirca.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

1 SAMUEL 20:42

Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 25:35

Shina nishpa Davidca Abigaíl imalla apamushcata japishpaca: —Imatapish mana manchashpa, cambac huasiman rilla. Riqui, can ima nishcatapish uyashpami cazuni— nirca.

1 SAMUEL 29:7

Shina cashcamanta filisteocunata mandaccunata ama ashtahuan piñachingapac, mana piñarishpa sumacta cutilla— nirca.