HECHOS 16:18 - Dios Rimashcata Quillcashcami

¹⁸ Chashnami tauca punzhacunata caticurca. Chaimantami Pablo ña mana uyanayachishpa, chai huambrapi cac supaitaca: —¡Jesucristopac shutipimi, cai huambramanta llucshichun mandani!— nirca. Chai ratollatacmi supaica chai huambramanta llucshirca.

Nuevo Testamento en Quichua Cañar 1996

¹⁸ Ña tauca punzhacunata chashna nishpa ñucanchicta c'aticucllapimi, ña mana uyanachishpa Pabloca tigrarishpa, chai huambrapi cac supaitaca: —¡Jesucristopac shutipimi, cai huambramanta llucshi nini!— nirca. Chashna nicpi, supaica chai huambramantaca llucshircallami.

HECHOS 16:18 ပူးပေါင်းရင်းမြစ်များ

SAN MATEO 14:24

Canoaca ña chaupi cuchapimi carca. Huaira ñaupamanta jarcacpimi, canoaca yacupi caiman chaiman cuyuricurca.

MARCOS 1:34

Jesusca ima ungüihuan caccunatapish, taucatami alliyachirca. Runacunamantapish, supaicunata llucchishpa cacharcami. Supaicunaca Jesús pi cashcataca yacharcami. Chaimantami mana rimarichun saquirca.

MARCOS 16:17

Ñucata criccunaca milagrocunatami ruhuanga: Ñuca shutipimi supaicunata llucchishpa cachanga, mushuc rimaicunatami rimanga.

SAN LUCAS 9:1

Jesusca paipac chunga ishcai yachacuccunata tandachishpami, tucuilaya supaicunata llucchichun, ungushcacunata alliyachichun poderta curca.

HECHOS 3:6

Chashna chaparacucpimi Pedroca: —Cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, “jatarishpa puri” nini— nirca.

HECHOS 9:34

Pedroca paitaca: —Eneas, cantaca Jesucristomi alliyachin. Jatari, cambac camata tandachi— nirca. Shina nicpica, Eneasca jatarishpa shayarircallami.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.