HECHOS 15:33 - Dios Rimashcata Quillcashcami

³³ Chaipi tauca punzhacunata criccunahuan cashpaca, paicunata cachaccunapacmanmi cutishun nirca. Chaimantami chai criccunaca: “Allilla ringuichic” nishpa cacharca.

Nuevo Testamento en Quichua Cañar 1996

³³ Chashna tauca punzhacunacaman chai criccunahuan saquirishpa, cutin paicunata cachaccunapacman cutishun nicpica, chai criccunaca: “Allilla ringuichic” nishpami, paicunataca cacharcacuna.

HECHOS 15:33 ပူးပေါင်းရင်းမြစ်များ

GÉNESIS 26:29

Chaica: “Ima shinami ñucanchic ima millaita mana ruhuashpa cushilla cacharcanchic, chashnallatac mana ima millaita ruhuangapacmi” ari ninacuita ruhuashun ninchic. Canca Mandac Dios bendiciashcamari cangui— nirca.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

MARCOS 5:34

Chaimantami Jesusca: —Huahua, can crishcamantami alliyashcangui. Cunanca, cushicushpa rilla. Ungüimantaca jambirishcanguimi— nirca.

HECHOS 15:22

Shina nishcaca apostolcunamanpish, pushac yuyaccunamanpish, tandanacushca criccunamanpish allimi carca. Chaimantami tucui criccuna cuyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarca.

HECHOS 15:34

Shina nicpipish, Silasca saquirina yuyaita charishpami, chaipi saquirirca.

HECHOS 16:36

Chaimantami carcelta cuidacca Pablotaca: —Mandaccunami cancunataca cacharichun mandashca. Chaimanta cunanca, cushilla richiclla— nirca.

1 CORINTIOS 16:11

Chaimanta cancunapuramanta maijan ama paita yangapi churachun. Chaipac randica, pai ñucata cushilla ricungapac shamuchun ayudanguichic. Ñucaca caishuc criccunahuanmi shuyacuni.

HEBREOS 11:31

Crishcamantami huainayac Rahabpish, israelcuna ricuchun cachashcacunata sumacta chasquishpa, mana cazuccunahuan pacta mana huañurca.

2 JUAN 1:10

Maijanpish cancunapacman shamucpi Cristo yachachishca shina mana yachachictaca, ama chasquinguichicchu. Shinallatac «alli shamushcami cangui» ninallatapish, ama ninguichicchu.