HECHOS 15:30 - Dios Rimashcata Quillcashcami

³⁰ Chashnami chai acllashca runacuna Antioquía puebloman rishpa, criccunata tandachishpa, chai quillcata curcacuna.

Nuevo Testamento en Quichua Cañar 1996

³⁰ Chashnami chai acllashca runacuna Antioquía puebloman rishpaca, chaipi causac criccunata tandachishpa, chai quillcata curcacuna.

HECHOS 15:30 ပူးပေါင်းရင်းမြစ်များ

HECHOS 11:19

Estebanta huañuchishca quipa, llaquichi callaricpimi, criccunaca Fenicia, Chipre llactacunaman, Antioquía puebloman miticushpa rircacuna. Chai llactacunapica pimanpish mana huillashpa, israelcunallaman huillashpami rircacuna.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 11:27

Chai punzhacunapimi, Dios ima nishcata huillaccunaca Jerusalenmanta Antioquía puebloman shamurca.

HECHOS 15:22

Shina nishcaca apostolcunamanpish, pushac yuyaccunamanpish, tandanacushca criccunamanpish allimi carca. Chaimantami tucui criccuna cuyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarca.

HECHOS 15:31

Chai quillcata rezashcata criccuna uyashpaca, tucuimi yallita cushicurca.

HECHOS 16:4

Chashna rishpami, apostolcunapish, pushac yuyaccunapish Jerusalenpi yuyarinacushca imalla ruhuana cashcata cazuchun, tucui pueblocunapi huillashpa purirca.

HECHOS 21:22

Can shamushcata yachashpaca, tucuimi tandanacumunga. Shinashpaca, ¿imatatac ruhuashun?

HECHOS 23:33

Pablohuan ric soldadocuna Cesarea puebloman chayashpaca, quillcata mandac Felixman cushpami, Pablotapish paipac ñaupaman chayachirca.

HECHOS 6:2

Chaimantami chunga ishcai apostolcuna criccunata tandachishpaca: —Diosmanta huillanata saquishpa, micunata ñucanchic raquinaca, mana allichu.