HECHOS 15:13 - Dios Rimashcata Quillcashcami

¹³ Paicuna tucui parlashca quipaca Jacoboca: —Huauquicuna, ñuca nishcata uyaichic.

Nuevo Testamento en Quichua Cañar 1996

¹³ Paicuna ña tucui parlacpica, Jacoboca: —Caipi tandanacushca tucui huauquicuna, ñuca nishcata uyaichic.

HECHOS 15:13 ပူးပေါင်းရင်းမြစ်များ

MARCOS 15:40

Shinallatac tauca huarmicunapish carullamanta ricushpami shayacurca. Chai huarmicunapurapica, Magdala pueblomanta Mariapish, quipa Jacobopac, Josepac mama Mariapish, Salomepishmi carca.

HECHOS 12:17

Pedroca upalla cachun, maquihuan señata ruhuashpami, Mandac Dios ima shina paita carcelmanta llucchishcata parlarca. Chashna parlashpaca: —Caitaca Jacobomanpish, caishuc criccunamanpish parlanguichic— nishpaca, chaimanta llucshishpa, shuc llactaman rircallami.

HECHOS 15:14

Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

HECHOS 2:14

Pedro caishuc chunga shuc apostolcunahuan shayarishpa, sinchita rimashpaca: «Israelcunapish, tucui Jerusalenpi causaccunapish ñuca huillashcata alli uyaichic.

HECHOS 2:22

Tucui israelcuna, cai ñuca huillashcata alli uyaichic. Diosca Nazaret pueblomanta Jesusta cachashpami, mancharinacunata ruhuachishpa, milagrocunata ricuchishpa, Jesús pi cashcata cancunaman ricuchirca. Chaitaca cancunallatacmi alli yachanguichic.

HECHOS 2:29

Tandanacushca huauquicunalla, ñaupa mandac Davidmantaca, tucui ima shina cashcatami huillagrini. Pai huañucpica, enterrarcami. Pai maipi enterrashcatapish yachanchicmi.

HECHOS 21:18

Chai cayandi punzhaca Pabloca ñucanchic-huanmi Jacobota ricungapac rirca. Chai huasipica pushac yuyaccunami tandanacushca cashca carca.

HECHOS 22:1

«Israel huauquicuna, taitacuna, ñuca rimashcata uyaichic» nirca.

HECHOS 7:2

Chaimantami Estebanca: —Huauquicuna, taitacuna, ñuca rimashcata uyaichic: «Poderyuc Diosmi ñucanchic ñaupa taita Abraham manarac Harán pueblopi causangapac ricpi, Mesopotamia llactapi cacpi ricurirca.

GÁLATAS 1:19

Chaipica Jesús acllashca caishuc huillaccunataca pitapish mana ricurcanichu, ashtahuanpish Apunchic Jesuspac huauqui Jacobollatami ricurcani.

GÁLATAS 2:12

Jacobo cachashcacuna manarac chayacpica, Pedroca mana israelcunahuanpish micucllami carca. Shina cashpapish “circuncisionta ruhuanaca allimi” niccuna chayacpica, paicunata manchashpami mana israelcunahuan micunata saquishpa raquirircalla.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.