HECHOS 13:27 - Dios Rimashcata Quillcashcami

²⁷ Chaica, Jerusalenpi causaccunapish, paicunata mandaccunapish, Jesús pi cashcataca mana yacharcachu. Dios ima nishcata huillaccuna quillcashcata tucui samana punzhacunapi rezashcata uyashpapish, mana entendircachu. Jesusta huañuchishpaca, paicunallatacmi chai huillaccuna huillashcata pactachircacuna.

Nuevo Testamento en Quichua Cañar 1996

²⁷ Jerusalenpi causaccunapish, paicunata mandaccunapish, Jesús pi cashcataca mana yacharcacunachu. Diosmanta ñaupa huillaccuna huillashcata samana punzhacunapi rizashcata uyashpapish, mana entendishpami Jesusta huañuchishpaca, paicunallatac chai huillaccuna huillashcataca pactachircacuna.

HECHOS 13:27 ပူးပေါင်းရင်းမြစ်များ

GÉNESIS 50:20

Cancunaca ñucata llaquichinatami yuyarcanguichic. Ashtahuanpish Diosmi ñucanchicpac allipac chashnaca ruhuachirca. Chaitaca cunanmi ricucunchic. Paica achca gentecunaman causaita cungapacmi chashnaca ruhuarca.

SAN MATEO 22:29

Chashna nicpimi Jesusca: —Cancunaca, Dios quillcachishcatapish, Diospac podertapish mana yachashpami, yalli pandaricunguichic.

SAN LUCAS 22:34

Chashna nicpimi Jesusca: —Pedro, canca cunan tutallatacmi gallo manarac cantacpi, quimsa cutin ‘mana ricsinichu’ nishpa negangui— nirca.

SAN LUCAS 23:13

Pilato curacunata mandac curacunatapish, mandaccunatapish, tucui gentecunatapish tandachishpaca:

SAN LUCAS 24:20

Paitami curacunata mandac curacunapish, llactata mandaccunapish juchanchishpa, cruzpi chacatashpa huañuchirca.

SAN JUAN 15:21

Ñucata Cachacta mana ricsincunachu. Chaimantami cancunataca ñucata caticushcamanta llaquichingacuna.

SAN JUAN 16:3

Ñuca Taitatapish, Ñucatapish mana ricsishcamantami chashna ruhuanga.

SAN JUAN 5:39

Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

SAN JUAN 8:28

Chaimantami Jesusca: —Runa Tucungapac shamushca ñucata chacatashpami, ñuca pi cashcata, ñuca munaimanta imatapish mana ruhuac cashcata, ashtahuanpish ñuca Taita yachachishcata nic cashcata yachanguichic.

HECHOS 15:21

Chaica, ñaupa punzhacunamanta pachami mai pueblocunapipish, tandanacuna huasicunapipish, samana punzhacunapi Moisés mandashcacunata rezashpa, uyachincuna— nirca.

HECHOS 28:23

Chashna nishpami, shuc punzha Pablo ima nishcata uyangapac yuyarinacurca. Chai punzhapimi pai causacuc huasiman achca gentecuna Pablo yachachishcata uyangapac, tandanacumurca. Pabloca Jesusta crichunmi, Dios mandacucmantapish, Moisés mandashcacunamantapish, Dios ima nishcata huillashcamantapish tutamantamanta chishicaman yachachirca.

HECHOS 3:17

Israel huauquicunalla, cancunapish, cancunata mandaccunapish Jesús pi cashcata mana yachashcamanta huañuchishcatami yachani.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

1 CORINTIOS 2:8

Chaitaca cai pacha mandaccunaca mana yacharcacunachu. Paicuna yachashca cashpaca, Mandac Apunchic Jesustaca mana chacatanmanchu carca.

2 CORINTIOS 3:14

Shina cacpipish israelcunaca mana entendircacunachu. Shinallatac ñaupaman Dios ari nishcataca cunan punzhacamanmi rezashpapish, paicunapac yuyai pañohuan jarcashca shina cacpi, mana entendincuna. Chai jarcashca pañotaca Jesucristollami anchuchin.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.