HECHOS 13:19 - Dios Rimashcata Quillcashcami

¹⁹ Diosca Canaán llacta canchis llactacunapi causaccunata huañuchichishpami, ñaupa taitacunaman chai allpataca curca.

Nuevo Testamento en Quichua Cañar 1996

¹⁹ Chaipimi Taita Diosca Canaán nishca canchis llactacunapi causaccunata huañuchichishpa, ñucanchic ñaupa taitacunamanca chai allpataca curca.

HECHOS 13:19 ပူးပေါင်းရင်းမြစ်များ

GÉNESIS 12:5

Abramca paipac huarmi Saraitapish, huauquipac churi Lottapish, chaipi randishca runacunatapish pushashpa, Harán llactapi imata ruhuashcamanta japishcatapish apashpa, Canaanman chayarca.

GÉNESIS 17:8

Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.

NEHEMÍAS 9:24

Paicunapac huahua huahuacunami chai llactataca japirca. Chai llactapi causac cananeocunata atishpami, paicuna munashcata ruhuashpa llaquichichun, jatun mandaccunandi, chai llactapi causaccunandi, paicunapac maquipi churarcangui.

SALMOS 135:11

Amorreocunata jatun mandac Sehontapish, Basán llactata jatun mandac Ogtapish shinallatac tucui Canaán llactapi causac jatun mandaccunatapish huañuchirca.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

ISAÍAS 34:17

Paillatacmi suerteta ruhuashpa, maipi churana cacpipish, cordelhuan medishpa allpata curca. Chaipica huahua huahuacamanmi huiñaita causanga.

HECHOS 7:45

Ñaupa taitacunami chai huasitaca paicunapac ñaupa taitacunamanta japishca carca. Tauca huata quipami, Josué paicunata pushamucpi, chai shitashca pambamantaca cai cunan ñucanchic causacuc llactaman apamurca. Ñucanchic taitacuna cusha nishca llactapi causachunmi, Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna.

DEUTERONOMIO 7:1

Cancuna japina llactaman Mandac Dios pushacpica, cancunata yalli sinchi canchis llactacunamanta heteocunata, gergeseocunata, amorreocunata, cananeocunata, ferezeocunata, heveocunata, jebuseocunata llucchishpa cachanguichicmi.

JOSUÉ 14:1

Canaán llactapica cai allpatami israelcunaca japirca. Cai allpataca Eleazar cura, Nunpac churi Josué, Israel aillucunapac huasi ucupurata pushaccunami chaupishpa curca.

JOSUÉ 18:10

Silo pueblopimi Josueca Mandac Diospac ñaupapi suerteta ruhuashpa, allpata chaupishpa israelcunaman curca.

JOSUÉ 19:51

Eleazar curapish, Nunpac churi Josuepish, huasi ucupurata pushaccunapish Mandac Diospac ñaupapi suerteta ruhuashpa, israelcunaman chaupishpa cushca allpaca chaicunami carca. Chaitaca Silo pueblopi Dios-huan tupana huasi pungupimi curca. Chashnami chai allpataca chaupishpa tucuchirca.

JOSUÉ 23:4

Riquichic, ña japishca llactacunatapish, mana japishca llactacunatapish suerteta ruhuashpami, cancunapac aillucunaman curcani. Inti llucshina lado Jordán yacumantaca inti tigrana ladoman cac mama cuchacamanmi curcani.

JOSUÉ 24:11

Chai quipaca Jordán yacuta pasashpami Jericó puebloman chayamurcanguichic. Chaipimi Jericó pueblopi causaccunaca cancunahuan macanacungapac shayarirca. Shinallatac amorreocunapish, ferezeocunapish, cananeocunapish, heteocunapish, gergeseocunapish, heveocunapish, jebuseocunapish macanacungapac shayarircami. Paicunatapish ñucaca cancunapac maquipimi churarcani.

JUECES 11:26

Israelcunaca quimsa patsac huatatami cai Hesbón pueblopi, Aroer pueblopi tucui chai muyundi uchilla llactacunapi, shinallatac Arnón jatun yacu ladopi tiyac tucui pueblocunapi causashca. ¿Cai tucui huatacunapica ima nishpatac mana cutin japircangui?