HECHOS 12:7 - Dios Rimashcata Quillcashcami

⁷ Chashna Pedro sueñucucpimi, Mandac Dios cachashca ángel cungailla ricurishpa, chai ucuta achicyachirca. Chai ángel Pedrota tuparishpa ricchachishpaca: «¡Utca jatari!» nirca. Chashna nicpica, huatashca cadenaca Pedropac maquicunamanta cacharirishpa urmarcallami.

Nuevo Testamento en Quichua Cañar 1996

⁷ Chashna cuidacucpipish, Mandac Dios cachashca ángel shamucpica, cungailla chai ucuca achiclla tucurcallami. Chai angelca: “¡Utca jatari!” nishpami, Pedrotaca cuyuchishpa ricchachirca. Chashna nicpica, huatashca cadenacunaca Pedropac maquicunamanta cacharirishpa urmarcallami.

HECHOS 12:7 ပူးပေါင်းရင်းမြစ်များ

2 SAMUEL 22:29

Mandac Dioslla, ñucata achicyachic luzmi cangui. Ñuca Diosmi ñuca pura tutatapish achicyachin.

1 REYES 19:5

Eliasca enebro yura ucupi siririshpami sueñurca. Pai shina sueñucucpimi, shuc ángel tuparishpaca: «Jatari, micui» nirca.

1 REYES 19:7

Chashna sueñucucpimi, Mandac Diospac ángel cutin shamushpa tuparishpaca: «Jatari, micui. Cambac purinaca achca carumi» nirca.

SALMOS 107:14

Huañunalla amsapuramanta llucchishpami cadenacunata pitishpa cacharichirca.

SALMOS 116:16

Mandac Dioslla, ñuca mañashcata uyaiyari. Ñucaca canta servicmi cani. Canta servic huarmipac huahua, canta servicmi cani. Canmi huatashcamanta cacharichircangui.

SALMOS 146:7

Paica llaquichishca causaccunaman cashcata ruhuacmi. Yarcaihuan caccunaman caracmi. Mandac Diosca llaquipi causaccunata cacharichicmi.

SALMOS 34:7

Mandac Diosta manchaccunataca paipac angelmi muyundita cuidashpa charicun.

SALMOS 68:6

Diosmi shitashca huahuacunataca, familiahuan causachun churan. Prezu causaccunatapish cacharichinmi. Paita cariyaccunataca chaquishca allpapimi causachun churan.

ISAÍAS 37:30

Jatun mandac Ezequiaslla, caimi canmanca shuc señal canga: Cai huatapish, shamuc huatapish paillatac huiñashpa, pucushca granotami micunguichic. Ña quimsa huata tucucpica, tarpushpa cosechaichic. Uvastapish tarpushpa, pucuchishpa micunguichic.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.

JEREMÍAS 40:1

Jerusalenmantapish, Judá llactamantapish Babilonia llactaman gentecunata prezu apashpami, Jeremiastapish cadenahuan huatarca. Chaipi cacpimi, soldadocunata mandac Nabuzaradanca Jeremiastaca Ramaman cacharca. Chai quipa Mandac Dios Jeremiasta rimarca.

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.

HABACUC 3:11

Cambac flechacunaca achicyachinmi, cambac achic nicuc lanzapish ricurinmi, Intipish, quillapish shayarinmi.

HABACUC 3:4

Paica achic nicuc luz shinami. Paipac maquimantaca relampa achicyachicmi llucshin. Chai chaupipica paipac fuerzami pacalla tiyacun.

SAN MATEO 2:13

Yachaccuna rishca quipaca, Mandac Dios cachashca ángel muscuipi Joseman ricurishpaca: «Mandac Herodesmi huahuataca huañuchingapac mashcachigricun. Cunanca jatarishpa, huahuata paipac mamandi Egipto llactaman apai. Ñuca ima horas shamuchun ningacaman chaipi cagri» nirca.

SAN LUCAS 2:9

Chaipimi Dios cachashca angelca Diospac sumaimana achic nicuc-huan ñapish cungailla paicunapac muyundita achicyachirca. Chaimantami michiccunaca yallita mancharirca.

SAN LUCAS 24:4

Paicuna chaita ricushpa, manchaihuan shayacucpimi, jagan nicuc yuranlla churashca ishcai runacuna paicunapac ñaupapi ricurirca.

HECHOS 10:30

Shina nicpimi Cornelioca: —Ñami chuscu punzha tucun. Chaica, cunan shina chishimi, cai ñuca huasipi ayunashpa, Diosta mañacurcani. Chaipimi jagan nicuc churanata churashca runa ñapish ricurirca.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.

HECHOS 12:8

Shinallatac angelca: «Chumbilliri, ushutatapish churari» nircami. Pedro chashna ruhuacpica, cutin chai angelca: «Jahualla churanatapish churarishpa, ñucata cati» nirca.

HECHOS 16:26

Chashna mañacucpimi, cungailla allpa chucchui callarirca. Chaimantami cárcel pungucunapish, huatashca cadenacunapish pascarirca.

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

HECHOS 5:19

Chashna churacpipish, Dios cachashca ángel tuta shamushpa, cárcel punguta pascashpa, paicunata llucchishpaca:

HECHOS 9:3

Pai Damasco puebloman ñanta rishpa chayacucpimi, cungailla jahua pachamanta relampa jaguin nishpa, paipac muyundita achicyachirca.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

APOCALIPSIS 18:1

Chai quipaca mai poderta charic, shuc ángel jahua pachamanta urai shamucuctami ricurcani. Chai ángel paipac sumaimana cashcahuan achicyachicpimi, cai pachaca punzha shina achicyarca.