HECHOS 12:5 - Dios Rimashcata Quillcashcami

⁵ Chaimantami Pedrotaca carcelpi alli cuidaracurca. Ashtahuanpish tandanacushca criccunaca Pedromanta Diosta mañanataca manatac saquircachu.

Nuevo Testamento en Quichua Cañar 1996

⁵ Chaimantami Pedrotaca carcelpi alli cuidaracurcacuna. Chashna cuidacucpipish, criccunaca Taita Diosman Pedromanta mañanataca manatac saquircacunachu.

HECHOS 12:5 ပူးပေါင်းရင်းမြစ်များ

SAN MATEO 18:19

Cutinllatacmi nini: Cancunapuramanta maijanhuan shuc yuyailla tucushpa, cai pachapi imata ruhuachun Diosta mañacpica, jahua pachapi cac ñuca Taitaca cungami.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

HECHOS 12:12

Chashna cashcata yuyashpami, Marcos nishca Juanpac mama Mariapac huasiman rirca. Chai huasipica achca criccunami tandanacushpa, Diosta mañacushca carca.

HECHOS 12:4

Chaimantami Pedrota carcelpi churashpa, chunga sucta soldadocunata, chuscu chuscu chullayanacushpa cuidachun churarca. Pedrotaca Pascua punzhacuna quipa, tucui gentecunapac ñaupaman llucchishpa juchanchinatami yuyarca.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.

1 CORINTIOS 12:26

Cuerpopi shuc parte llaqui tucucpica, caishuc partecunapish llaquirinmi. Shinallatac shuc parte allita japicpica, tucui partemi cushicun.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

1 TESALONICENSES 5:17

Punzhanta Diosta mañaichic.

HEBREOS 13:3

Cancunapish carcelpi cashca shinallatac, carcelpi caccunata yuyaringuichic. Llaquihuan caccunataca cancunapish llaquihuan cashca shina yuyaichic.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.