HECHOS 12:19 - Dios Rimashcata Quillcashcami

¹⁹ Herodesca Pedrota mashcachishpa, mana tarishpami, cuidac soldadocunata alli tapushpa, paicunata huañuchichun mandarca. Chai quipaca Judea llactamanta llucshishpa, Cesarea pueblopimi causagrirca.

Nuevo Testamento en Quichua Cañar 1996

¹⁹ Herodesca Pedrota mashcachishpa, mana tarishpami, cuidac soldadocunaman alli tapurca. Chashna tapushpa, paicunata ña huañuchichishca q'uipami, Judea llactamanta llucshishpa, Cesarea pueblopi causagrirca.

HECHOS 12:19 ပူးပေါင်းရင်းမြစ်များ

1 REYES 20:43

Shina nicpimi, Israel llactata jatun mandacca yallita llaquirishpa piñarishcata ricuchishpa, Samaria pueblopi cac paipac huasiman chayarca.

ESTER 6:12

Chai quipaca jatun mandac mandacuc huasi pungullamantacmi Mardoqueoca cutirca. Cutin Amanca yallita llaquirishpami, paipac umata tapashpa, paipac huasiman utca cutirca.

JEREMÍAS 36:26

Ashtahuanpish jatun mandacca Hamelecpac churi Jerameelta, Azrielpac churi Seraiasta, Abdeelpac churi Selemiastami quillcac Baructa, Dios ima nishcata huillac Jeremiasta prezuchun cacharca. Shina prezungapac ricpipish, Mandac Diosmi paicunataca pacarca.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

SAN MATEO 2:13

Yachaccuna rishca quipaca, Mandac Dios cachashca ángel muscuipi Joseman ricurishpaca: «Mandac Herodesmi huahuataca huañuchingapac mashcachigricun. Cunanca jatarishpa, huahuata paipac mamandi Egipto llactaman apai. Ñuca ima horas shamuchun ningacaman chaipi cagri» nirca.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

HECHOS 12:18

Ña pacaricpi, cuidac soldadocunaca: —¿Maipitac Pedroca?— nishpami, caishuc chaishuc mancharishpa tapunacurca.

HECHOS 12:4

Chaimantami Pedrota carcelpi churashpa, chunga sucta soldadocunata, chuscu chuscu chullayanacushpa cuidachun churarca. Pedrotaca Pascua punzhacuna quipa, tucui gentecunapac ñaupaman llucchishpa juchanchinatami yuyarca.

HECHOS 12:6

Mandac Herodesca cayandimi Pedrota carcelmanta llucchishpa, juchanchigricurca. Pedroca chai tutaca ishcai cadenacunahuan huatashca, ishcai soldadocunapac chaupipimi sueñucurca. Caishuc soldadocunaca cárcel pungupimi cuidacurca.

HECHOS 16:27

Carcelta cuidac riccharishpaca, tucui cárcel pungucuna pascarishcata ricushpami: “¡Tucui prezucunami llucshishca canga!” yuyashpa, paipac espadallahuantac huañugrirca.

HECHOS 21:8

Cayandi punzhaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasipimi pozarcanchic. Paica criccunata ayudaccunapuramanta shucmi carca.

HECHOS 25:13

Asha punzhacuna quipami, jatun mandac Agripaca paipac pani Berenicehuan Cesarea pueblopi mandac Festota saludangapac shamurca.

HECHOS 27:42

Chaimantami soldadocunaca prezucuna yacupi huambushpa ama miticugrichun huañuchinata munarca.

HECHOS 8:40

Ashtahuanpish Felipeca Azoto pueblopimi taririrca. Chaimanta callarishpami, Cesarea puebloman chayangacaman, tucui pueblocunapi alli huillaita huillashpa rirca.

1 SAMUEL 23:14

Shinami Davidca shitashca pamba Zif urcucunaman rishpa pirca huashacunapi miticushpa causacurca. Saulca punzhanta mashcacucpipish Diosca Davidtaca mana paipac maquipi churarcachu.