HECHOS 11:16 - Dios Rimashcata Quillcashcami

¹⁶ Chashna shamucpimi, Apunchic Jesús huillashcataca yuyarircani. Paica: “Juanca yacullahuanmi bautizarca. Ashtahuanpish cancunaca asha punzhacuna quipaca, Diospac Espirituhuanmi bautizashca canguichic” nircami.

Nuevo Testamento en Quichua Cañar 1996

¹⁶ Chashna shamucpimi: ‘Juanca yacullahuanmi bautizarca. Ashtahuanpish cancunaca asha punzhacuna q'uipaca, Diospac Espirituhuanmi bautizashca canguichic’ nishpa, Apunchic Jesús huillashcataca yuyarircani.

HECHOS 11:16 ပူးပေါင်းရင်းမြစ်များ

PROVERBIOS 1:23

¡Ñuca rimashcata uyashpa cutimuichicyari! ¡Riqui, ñuca rimashcacunata yachacuchunmi munani! ¡Cancunapac jahuapica ñuca Espiritutami tallic shina cachasha!

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

JOEL 2:28

Cai tucuita ruhuashca quipaca, ñuca Espiritutami tucui gentecunapacman cachasha. Shina cachacpimi, cancunapac churicunapish, ushicunapish ñucamanta huillanga. Cutin yuyaccunaca muscungami. Quipa huiñaicunaca muscuipi shina ricungami.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

SAN MATEO 3:11

Ñucaca llaquirishpa, Diosman cutirichunmi, yacuhuan bautizacuni, ashtahuanpish ñucapac quipa shamucmi, Diospac Espirituhuan, ninahuan bautizanga. Paica ñucata atishpa, ashtahuan poderyucmi. Ñucaca paipac ushutallatapish mana apaipacchu cani.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

MARCOS 1:8

Ñucaca yacullahuanmi bautizani, ashtahuanpish ñucapac quipata shamucmi Diospac Espirituhuanmi bautizanga» nirca.

SAN LUCAS 24:8

Chashna nicpimi, chai huarmicunaca Jesús chashna nishcataca yuyarirca.

SAN LUCAS 3:16

Chashna nicucpimi, Juanca chaipi caccunataca: —Ñucaca yacullahuanmi bautizani, ashtahuanpish shucmi Diospac Espirituhuanpish, ninahuanpish bautizangapac shamunga. Paica ñucata atishpa, ashtahuan poderta charicmi. Ñucaca paipac ushuta huatashcallatapish mana pascaipacmi cani.

SAN JUAN 1:26

Shina nicpimi Juanca: —Ñucaca yacullahuanmi bautizacuni, ashtahuanpish cancunapac chaupipimi cancunapish mana ricsishca shuc runa tiyan.

SAN JUAN 1:33

Chashna ricushpapish, shamuc pai cashcataca mana yacharcanichu. Ashtahuanpish yacuhuan bautizachun cachac Diosca: “Maijanpi ñuca Espíritu shamushpa tiyaricta ricungui, chaimi ñuca Espirituhuanca bautizanga” nirca.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

SAN JUAN 16:4

Caicunataca chai punzhacuna shamucpi, ñuca utcaman nishcata yuyarichunmi nicuni. Ñuca cancunahuan cashcamantami, caicunataca callaripica mana huillarcani.

HECHOS 1:5

Juanca yacullahuanmi bautizarca, ashtahuanpish asha punzhacuna quipaca, Diospac Espirituhuanmi bautizashca canguichic— nirca.

HECHOS 20:35

Chashna trabajashpami huacchacunata ayudana canguichic. Chaitami yachachicurcanilla. Apunchic Jesusca: “Ayudacmi, chasquicta yalli cushicun” nircami. Chaita yuyaringuichic» nirca.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

2 PEDRO 3:1

Cuyashca criccuna, caihuanca ishcai cutinmi quillcashpa cachani. Ishcai quillcacunapitacmi alli yuyaihuan allita catichun nishpa, cunashpa rimani.