HECHOS 10:48 - Dios Rimashcata Quillcashcami

⁴⁸ Shina nishpami Pedroca Apunchic Jesuspac shutipi paicunata bautizachun mandarca. Chaimantami Pedro asha punzhacunata paicunahuan saquirichun mañarcacuna.

Nuevo Testamento en Quichua Cañar 1996

⁴⁸ Shina nishpami Pedroca: —Apunchic Jesuspac shutipi paicunata bautizaichic— nirca. Chai q'uipami Pedrotaca: —Asha punzhacunacaman ñucanchichuan saquiriyari— nishpa mañarcacuna.

HECHOS 10:48 ပူးပေါင်းရင်းမြစ်များ

SAN JUAN 4:2

(Jesusca mana bautizacchu carca, ashtahuanpish paipac yachacuccunami bautizac carca).

SAN JUAN 4:40

Chaimantami gentecuna Jesuspacman shamushpa chaipi saquirichun mañarca. Shina mañacpimi, Jesusca ishcai punzhata chaipi saquirirca.

HECHOS 16:15

Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

HECHOS 19:5

Chashna nishcata uyashpaca, Apunchic Jesuspac shutipimi bautizarircacuna.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 8:12

Chashna cacpipish, Jesucristomanta, Dios mandacucmanta Felipe huillacpica, caricunapish, huarmicunapish crishpami bautizarirca.

HECHOS 8:16

Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna.

GÁLATAS 3:27

Bautizarishpaca, Cristohuan shuc shinalla tucushpami shuctac churanata churarishca shina Cristohuanca shuctaclaya tucushcanguichic.