HECHOS 10:22 - Dios Rimashcata Quillcashcami

²² Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

Nuevo Testamento en Quichua Cañar 1996

²² Chashna nicpi paicunaca: —Ñucanchicca pasac soldadocunata mandac Cornelio cachacpimi shamunchic. Paica Diosta cazushcamanta tucui israelcuna alli nishca runami. Paimanmi Dios cachashca ángel ricurishpaca, paipac huasiman canta pushamuchun, shinallatac can ima huillashcatapish uyachun nishca— nircacuna.

HECHOS 10:22 ပူးပေါင်းရင်းမြစ်များ

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

HABACUC 2:4

Millai shungu runaca jatun tucunllami. Ashtahuanpish cashcata ruhuac runaca crishcamantami causanga” nirca.

SAN MATEO 1:19

Cazarangapac ari nishca Joseca cashcata ruhuac cashcamantami mana pimanpish yachachishpa, Mariataca pacalla saquisha nicurca.

SAN MATEO 2:12

Dios yachaccunaman muscuipi ricurishpa “Herodespacman ama cutichun” nicpimi, shuctac lado ñanta paicunapac llactamanca cutirca.

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.

MARCOS 8:38

Maijanpish cai pachapi Diosta mana cazuc, juchayuc gentecunapac ñaupapi ñucamanta, ñuca huillashcacunamanta huillanata pingacpica, Runa Tucungapac shamushca ñucapish ñuca Taitapac poderhuan, paipac sumac jucha illac angelcunahuan achicyachishpa cutimushpa pingashami— nirca.

SAN LUCAS 2:25

Simeón shuti runami Jerusalenpi causarca. Paica Diosta cazucpish, cashcata ruhuacpishmi carca. Paica israelcunata Dios quishpichingapac shamuctami shuyacurca. Diospac Espiritumi paihuan carca.

SAN LUCAS 23:50

Judea llacta Arimatea pueblomanta José shuti runami tiyarca. Paica israelcunata mandacpuramanta cashcata ruhuac runami carca.

SAN LUCAS 9:26

Maijanpish ñucamantapish, ñuca huillashcacunamantapish pingacpica, Runa Tucungapac shamushca ñucapish Diospac poderhuan, jucha illac angelcunahuan shamushpaca, chai runamanta pingashami.

SAN JUAN 13:20

Maijanpish ñuca cachashcata chasquicca, ñucatami chasquin. Ñucata chasquicca, ñucata Cachactami chasquin. Chaica chashnatacmi can— nirca.

SAN JUAN 17:20

Mana paicunallamantachu mañani, ashtahuanpish paicunapac huillashcata uyashpa, ñucata criccunamantapishmi mañani.

SAN JUAN 17:8

Can huillachun nishcata huillarcani. Paicuna chasquishpami, ñucataca Dios cachashcata yachac chayashpa crincuna.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

SAN JUAN 6:63

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

SAN JUAN 6:68

Shina nicpimi, Simón Pedroca: —Apunchic Jesús, ¿pipacmantac rishunyari? Cambac rimashca shimicunaca, huiñai causaita cucmi.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

HECHOS 10:21

Chaimanta Pedro Cornelio cachashca runacunapacman uricumushpaca: —Ñucami cancuna mashcacushca Simón Pedroca cani. ¿Imatatac nicunguichic?— nirca.

HECHOS 10:30

Shina nicpimi Cornelioca: —Ñami chuscu punzha tucun. Chaica, cunan shina chishimi, cai ñuca huasipi ayunashpa, Diosta mañacurcani. Chaipimi jagan nicuc churanata churashca runa ñapish ricurirca.

HECHOS 10:33

Chaimantami canta pushamuchun cacharcani. Allitami shamushcangui. Cunanca tucuimi Diospac ñaupapi canchic. Pai tucui imata ñucanchicman huillachun nishcataca huillailla. Ñucanchicca uyashun ninchicmi— nirca.

HECHOS 10:6

Paica carata ñutuyachic Simonpac huasipimi pozacun. Chai huasica mama cucha patapimi. Pai shamushpami, can imata ruhuana cashcataca huillanga— nirca.

HECHOS 11:14

Paimi canpish, cambac huasi familiacunapish ima shina quishpirina cashcataca huillanga” nishca carca.

HECHOS 22:12

Chaipica, Moisés mandashcacunata alli cazuc, chaipi causac israelcunapacpish alli nishca Ananiasmi causacushca carca.

HECHOS 24:15

Paicuna shinallatacmi ñucapish Dios cashcata ruhuaccunatapish, mana allita ruhuaccunatapish, huañushcapuramanta causachina cashcata shuyacuni.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

ROMANOS 1:17

Chai alli huillaimi crishcallamanta Dios-huan alli tucushcata, cashcata ruhuac cashcata ricuchin. Chaica, Dios quillcachishcapica: «Runaca crishcallamantami causanga» ninmi.

2 CORINTIOS 5:18

Tucui caicunataca Diosmi ruhuarca. Diosca Cristomanta ñucanchic-huan alli tucushpami, ñucanchictaca gentecuna paihuan alli tucuchun nishpa, huillaccuna cachun mingarca.

DEUTERONOMIO 30:13

Chashnallatac mana mama cucha chimba ladopichu. Chaipi cacpica: “Chai mandashcacunata uyashpa cazungapacca, ¿pitac mama cuchata pasashpa apamushpa, ñucanchicman uyachingayari?” ninguichicmanmi.

1 TIMOTEO 3:7

Ima llaquipi, supaipac ima pandachinapi ama urmangapacca, tucui gentecunapac alli nishcami cana can.

HEBREOS 10:38

Cashcata ruhuacca crishcallamantami causanga. Ashtahuanpish mana catictaca piñashami» ninmi.

HEBREOS 11:2

Ñaupa taitacunaca, crishcamantami Dios chasquishca carca.

HEBREOS 12:23

jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

3 JUAN 1:12

Demetriomantaca pai ruhuashcacuna alli cashcamantatacmi tucui mashna alli nincuna. Ñucanchicpish pai ima shina cashcataca huillanchicmi. Ñucanchic huillashca mana llulla cashcataca, cancunallatac yachanguichicmi.

APOCALIPSIS 14:10

Diosmanta shamuc jatun llaquitami imahuan mana chagrushca vinota vasopi tallishpa ubiac shina Diospac piñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.