HECHOS 1:26 - Dios Rimashcata Quillcashcami

²⁶ Chashna mañashpami suerteta ruhuacpica, Matiasman urmarca. Chaimantami Matiasca chunga shuc apostolcunahuan tandanacurca.

Nuevo Testamento en Quichua Cañar 1996

²⁶ Chashna mañashpa suerteta ruhuacpica, Matiasmanmi urmarca. Chaimantami Matiasca Jesús acllashca chunga shuc huillaccunahuan tandanacurca.

HECHOS 1:26 ပူးပေါင်းရင်းမြစ်များ

1 CRÓNICAS 24:5

Eleazarpac, Itamarpac huahua huahuacunamantaca, Diospac huasipi mandaccunapish, Diospac huasipi imata ruhuaccunata mandaccunapish cashcamantami suerteta ruhuashpa chaupirca.

NEHEMÍAS 10:34

Diospac huasiman curacunapish, levitacunapish, tucui israelcunapish, mandashcapi nishca shina, ñucanchic taitacunapac huasi ucupura ima shina cashca shina ñucanchic Mandac Diospac altarpi rupachingapac huatanta yantata apamungapacmi suerteta ruhuarcanchic.

NEHEMÍAS 11:1

Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

PROVERBIOS 16:22

Alli yuyaiyuc runapi tiyashca alli yuyaica causaita cuc yacu shinami. Ashtahuanpish yuyai illac runapi tiyashca yuyaica llaquichinmi.

PROVERBIOS 16:33

Mizapimi suertetaca ruhuancuna. Shina cacpipish Mandac Diosmi imata ruhuanataca ricuchin.

LEVÍTICO 16:8

Aaronca chai ishcai chivotaca shuctaca ñucaman cungapac, shuctaca Azazelman cungapacmi suerteta ruhuanga.

JONÁS 1:7

Chaimanca paicunapura caishuc chaishuc tapunacushpaca: «¡Pimantac cai llaquicuna shamushcata yachangapac, suerteta ruhuashunchic!» ninacurca. Chashna suerteta ruhuacpica, Jonasmanmi urmarca.

MARCOS 6:30

Jesús huillachun cachashcacuna cutimushpaca, yachachishcatapish, imata ruhuashcatapish Jesusman tucuimi parlarca.

HECHOS 1:23

Pedro chashna nicpimi, ishcai runata chicanyachirca. Shucca Justo nishca José Barsabasmi carca. Cutin caishucca Matiasmi carca.

HECHOS 13:19

Diosca Canaán llacta canchis llactacunapi causaccunata huañuchichishpami, ñaupa taitacunaman chai allpataca curca.

HECHOS 2:14

Pedro caishuc chunga shuc apostolcunahuan shayarishpa, sinchita rimashpaca: «Israelcunapish, tucui Jerusalenpi causaccunapish ñuca huillashcata alli uyaichic.

JOSUÉ 14:2

Chai allpataca Mandac Dios Moisesta mandashca shinallatacmi iscun aillucunamanpish, Manasespac chaupi aillumanpish suerteta ruhuashpa curca.

JOSUÉ 18:10

Silo pueblopimi Josueca Mandac Diospac ñaupapi suerteta ruhuashpa, allpata chaupishpa israelcunaman curca.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.