HEBREOS 9:4 - Dios Rimashcata Quillcashcami

⁴ Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.

Nuevo Testamento en Quichua Cañar 1996

⁴ Chai ucupica, inciensota rupachingapac curimanta ruhuashca shuc altarmi tiyarca. Ari ninacuita ricuchic, muyundicta curimanta ruhuashca cajonpish tiyarcami. Chai cajonpica maná shuti tandata huacaichishca, curimanta ruhuashca mangapish, Aaronpac cutin huiñacuc verdella taunapish tiyarcami. Ishcai tabla rumipi Dios mandashcacunata quillcashcapish tiyarcami.

HEBREOS 9:4 ပူးပေါင်းရင်းမြစ်များ

1 REYES 7:50

Shinallatac copacunatapish, pavizata anchuchinacunatapish, incensariocunatapish, ashtahuan alli curicunahuanmi ruhuarca. Diospac huasi ucupi tiyac pungu ladocunata Diospac huasiman yaicuna jatun pungu ladocunatapish curillahuantacmi ruhuarca.

1 REYES 8:21

Chai huasipimi Diospac Arcata churangapac shuc ucuta ruhuarcani. Chai Arcapica, ñaupa taitacunata Egiptomanta llucchimushpa, Mandac Dios paicunahuan ari nishca quillcami tiyacun» nirca.

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

2 CRÓNICAS 5:10

Chai Arcapica Horeb urcupi Moisés churashca ishcai tabla rumicunallami carca. Chaica, Egiptomanta llucshimucpi, Mandac Dios Israelcunahuan ari nishcata quillcashcami carca.

ÉXODO 26:33

Chai telataca ganchocunahuan huarcuchishpa churangui. Chai tela huashapica mandashcacunata huacaichina cajonta churangui. Chai telami ñucapaclla chicanyachishca ucuhuan, ñucapac caishuc ucuhuan chicanyachinga.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 32:15

Moisesca Dios cushca chunga mandashcacunata ishcai tabla rumipi quillcashpami urcumanta urai shamurca. Chai tabla rumicunapica ishcai ladomanmi quillcashca carca.

ÉXODO 34:29

Chai quipami Moisesca Dios mandashcacunata quillcashpa, ishcai tabla rumicunata apashpa, Sinaí urcumanta urai shamurca. Dios-huan tupashpa, parlanacushcamanta paipac ñahui achic nicuc cactaca Moisesca mana yacharcachu.

ÉXODO 37:25

Acacia caspimantami inciensota rupachina altartapish ruhuarca. Chai altarca cuadrado, sunimanpish, anchomanpish chuscu chunga pichca centimetromi carca. Altomanca iscun chunga centimetromi carca. Chai altarpac chuscu esquinacunapi tiyac gachucunaca altarhuan shuclla shinata ruhuashcami carca.

ÉXODO 39:35

Dios ari nishca quillcata huacaichina Arcatapish, chaita huanduna varacunatapish, chai tapatapish apamurcami.

ÉXODO 40:3

Ñucahuan tupana huasipica ari nishca quillcata huacaichina Arcataca pañohuan catangui.

LEVÍTICO 16:12

Chai quipaca ñucapac ñaupapi cac altarmantami nina junda incienso rupachinata, ishcai puñado mishquilla ashnacuc ñuto inciensota apashpa, lienzohuan jarcachishca ñucapaclla chicanyachishca ucuman yaicunga.

NÚMEROS 17:10

Mandac Diosca Moisestaca: «Aaronpac taunataca israelcuna ñucata mana cazushcata yuyarichun, ari nishca quillcata huacaichina Arca ñaupallapitac churai. Chaica ñucata mana cazushpa rimaccunapac shuc señalmi canga. Shinallatac paicunaca ña mana huañungachu» nirca.

NÚMEROS 17:5

Ñuca acllashca runapac taunaca pangashpa sisangami. Shina tucucpica, israelcunaca mana ashtahuan cancunataca ñucapac ñaupapi juchanchishpa rimangachu» nirca.

NÚMEROS 17:8

Cayandi Moisesca Dios-huan tupana huasiman yaicucpica, Levipac huasi ucupurata pushac Aaronpac taunaca pangashpa sisashcami cashca carca. Shinallatac almendro murucuna pucushcapishmi carca.

DEUTERONOMIO 9:11

Chuscu chunga punzha, chuscu chunga tuta tucucpica, Mandac Diosca cancunahuan ari nishcata quillcashca ishcai tabla rumita curcami.

DEUTERONOMIO 9:9

Mandac Dios cancunahuan ari nishca tabla rumita urcumanta apamungapac rishpaca, chuscu chunga punzha, chuscu chunga tutatami mana micushca, yacuta mana ubiashca carcani.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 8:3

Chai quipaca shuc angelmi curimanta ruhuashca inciensota churanahuan shamushpa, altar chaquipi shayarirca. Chai angelca Diospaclla caccuna mañashcacunahuan mirarichunmi achca inciensota, mandashpa tiyarinapac ñaupapi cac curi altarpi Diosman curca.