HEBREOS 9:28 - Dios Rimashcata Quillcashcami

²⁸ Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

Nuevo Testamento en Quichua Cañar 1996

²⁸ Shinallatacmi Apunchic Jesusca achca gentecunapac juchacunata p'ichangapacca, pai quiquinllatac curishpa huañurca. Q'uipataca ña mana juchacunata anchuchingapac shamungachu, ashtahuanpish paita shuyacuccunata quishpichingapacmi shamunga.

HEBREOS 9:28 ပူးပေါင်းရင်းမြစ်များ

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

ROMANOS 6:10

Cristoca shuc cutinlla huañushpami tucui juchacunata atirca. Ña causarishpaca, Diospacllami causacun.

ISAÍAS 25:9

Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

HECHOS 1:11

Chashna ricurishpaca: —Galilea llacta runacuna, ¿ima nishpatac huichailla ricucunguichic? Cai cancunapacmanta jahua pachaman pushashca Jesusllatacmi, cutin shamunga. Ima shinami pai ricta ricurcanguichic, chashnallatacmi cutimunga— nirca.

1 TESALONICENSES 1:10

Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

2 PEDRO 3:12

Dios shamuna punzha utca chayamuchunca, Diospaclla causanata munashpa shuyacuichic. Chai punzhapica, jahua pachataca ninahuan tucuchishpami chaipi ima tiyaccunatapish ninallahuantac tucui yacuyachinga.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 CORINTIOS 15:54

Cai ismuclla cuerpo mana ismuclla cuerpo tucucpi, huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: «Huañuitaca atishpa chingachishcami.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

1 JUAN 3:5

Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.

2 TESALONICENSES 2:1

Cuyashca criccuna, ñucanchic Apunchic Jesús cutimunamantapish, ñucanchic paihuan tandanacunamantapish huillashpaca,

1 CORINTIOS 1:7

Shina cacpimi, Apunchic Jesucristo cutimunata cancuna shuyacuccunamanca, Dios cushcacunaca imapish mana illanga.

ROMANOS 5:15

Dios cuyashpa cushcaca maita mana Adán juchallishcahuan chimbapuraipacchu. Shuc runa juchallishcamantami tucui gentecuna huañuna carca. Shina cacpipish, Dios cuyashpa, Jesucristota cachashpaca, tucuipac allipacmi cacharca.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

HEBREOS 9:25

Jatun mandac curaca huatantami animal yahuarta Diosman cungapac Diospaclla chicanyachishca ucuman yaicun. Ashtahuanpish Jesusca mana cutin cutin yahuarta cungapacchu jahua pachamanca yaicurca.

LEVÍTICO 10:17

—Juchata pichachun Diosman cushca chivotaca, ¿ima nishpatac chicanyachishca pushtupi mana micurcanguichic? Chai aichaca Diospaclla chicanyachishcami. Chai aichaca israelcunapac juchacunata cancunaman apachishpa, Mandac Dios perdonachunmi curca.

NÚMEROS 18:23

Levitacunallami ñucahuan tupana huasipica servinga. Israelcuna chai ucuman yaicushpa juchallicpica, paicunami juchanchishca canga. Caica cambac huahua huahuacunamanmi huiñaita quillcashpa mandashca canga. Levitacunaca israelcunapurapica ima allpata mana japingachu.

NÚMEROS 18:1

Mandac Diosca Aarontaca: «Ñucapaclla chicanyachishca ucuman cuchuyashpa juchallishcamantaca canpish, cambac churicunapish, cambac huasi ucupuracunapish juchayucmi tucunguichic. Cutin curacuna mana allita ruhuashcamantaca canpish, cambac churicunapish juchanchishcami canguichic.

NÚMEROS 7:33

Tucui rupachingapacca shuc becita, shuc cari ovejata, shuc huatayuc cari ovejatami apamurca.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

SAN MATEO 25:31

Runa Tucungapac shamushca ñuca sumaimana achic nicuc-huan achicyachishpa, tucui angelcunahuan shamushpaca, jatun mandac tiyarinapimi tiyarisha.

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

HEBREOS 7:27

Jesusca mana shuctac curacuna shina puntaca paipac juchacunamanta, quipaca tucui gentecunapac juchacunamanta animalta Diosman cushpa, rupachicchu, ashtahuanpish Apunchic Jesucristoca huiñaipac shuc cutinlla huañushpami, paillatac Diosman curishpa huañurca.

HEBREOS 10:10

Ñucanchicta jucha illacta ruhuangapacmi Jesucristoca Dios munashca shina, shuc cutinlla huiñaipac huañurca.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

SAN JUDAS 1:21

Cancunata Dios cuyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhata shuyacuichiclla.