HEBREOS 9:22 - Dios Rimashcata Quillcashcami

²² Mandashcapi nishca shinaca, animalpac yahuarmi juchacunata pichana carca. Animalpac yahuarta jichashpallami, juchata perdonana carca.

Nuevo Testamento en Quichua Cañar 1996

²² Taita Dios ñaupaman quillcachishca shinaca, animalcunapac yahuarhuanmi juchacunata anchuchishca cana carca. Animalcunapac yahuarta jichashpallami, tucui imatapish chuyayachishca cana carca.

HEBREOS 9:22 ပူးပေါင်းရင်းမြစ်များ

EZEQUIEL 43:18

Chai quipa cutin rimashpaca: «Huañunalla runa, Mandac Diosca: Animalta ñucaman cushpa tucui rupachingapac, yahuarta chai jahuapi chirapangapac altarta tucuchishca punzhapica caicunatami ruhuana can:

LEVÍTICO 14:14

Cura chai pandarishcamanta cushpa huañuchishca animalpac yahuarta japishpaca, chai chuyayac runapac alli lado ringri puntapi, alli lado maqui mama dedo puntapi, alli lado chaqui mama dedopimi cahuinga.

LEVÍTICO 14:25

Pandarishcamanta cuna maltón ovejata huañuchishpami, chai yahuarta japishpa, lepra ungüimanta chuyayac runapac alli lado ringripi, alli lado maqui mama dedopi, alli lado chaqui mama dedopi cahuinga.

LEVÍTICO 14:6

Chai quipaca chai causacuc zhutata, cedro caspita, puca pañota, hisopo ramata japishpa, chai yacu jahuapi huañuchishca zhuta yahuarpi causac zhutata satinga.

LEVÍTICO 17:11

Causaiyucca yahuarmantami causan. Yahuartaca ñucami cancunapac juchamanta altar jahuapi chirapachun curcani. Chai yahuarllamantami gentecunaca juchamanta perdonashca canga.

LEVÍTICO 4:20

Juchamanta cushca becita shinallatacmi chai becitapish rupachinga. Chashna ruhuacpimi, Mandac Diosca paicunapac juchacunataca perdonanga.

LEVÍTICO 4:26

Curaca Dios-huan alli tucungapac huañuchishca animalpac huirata shinallatacmi juchamanta cushpa animal huiratapish altar jahuapi rupachinga. Chashna ruhuacpimi, juchacunataca Diosca perdonanga.

LEVÍTICO 4:35

Chaitapish Dios-huan alli tucungapac cushca animalmanta huirata llucchishca shinallatacmi curaca llucchishpa, rupachina altarpi rupachinga. Chashna rupachicpimi, Mandac Diosca juchataca perdonanga.

LEVÍTICO 5:10

Caishuc animaltaca ima shina ruhuana cashca shinallatacmi tucui rupachinga. Shinami curaca maijanpish mana allita ruhuashpa, juchallishcata pichachun Diosman cunga. Chashna ruhuacpimi, Diosca juchacunata perdonanga.

LEVÍTICO 5:11

Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

LEVÍTICO 5:12

Chai harinataca curamanmi cunga. Paimi chaitaca maqui jundata japishpa, Diosman cushcacunahuan tandachishpa, yuyarina cachun, altar jahuapi rupachinga. Chaica juchata pichachun Diosman cushcami canga.

LEVÍTICO 5:18

Chai juchamantaca oveja manadamantami ima mana tucushca cari ovejata, mashna valishcata ricushpa, curaman cuna can. Curami juchamanta Diosman cunga. Chashna cucpimi, Diosca chai juchacunataca perdonanga.

LEVÍTICO 6:7

Curami chai runapac juchata pichachun Mandac Dios ñucaman cushpa, ñucapac ñaupapi rupachinga. Chashnami chai juchaca perdonashca canga» nirca.