HEBREOS 9:13 - Dios Rimashcata Quillcashcami

¹³ Huagracunapac, chivocunapac yahuar shinallatac, altarpi becita rupachishca uchupata millaita ruhuacpac jahuapi shic-huacpi jahuallata chuyayachicpica,

Nuevo Testamento en Quichua Cañar 1996

¹³ Huagracunapac yahuarpish, chivocunapac yahuarpish, altarpi bizita rupachishca uchupapish millaita ruhuacpac jahuapi shiguacpica, jahuallata chuyayachishpa, Diospacllata ruhuanmi.

HEBREOS 9:13 ပူးပေါင်းရင်းမြစ်များ

2 CRÓNICAS 30:19

Paicunaca Cambac huasipi chuyayangapac imata mandashca shinallatac manarac chuyayashca cashpapish, paicunapac ñaupa taitacunapac Diosman cuchuyangapacmi allichirishcacuna» nirca.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

EZEQUIEL 44:26

Mapayashpaca armarinami can. Chai quipaca canchis punzhatami chuyayana can.

NÚMEROS 8:7

Paicunata mapa illacta ruhuangapacca cashna ruhuangui: Mapa illacta ruhuac yacuta paicunapac jahuapi chirapangui. Paicunapac cuerpotaca cuchillohuan aspishpa, churanatapish tacshachun mandangui. Chashna ruhuacpimi, paicunaca mapa illac tucunga.

HECHOS 15:9

Paicuna cricpica, paicunapac shungumantapish juchacunata anchuchircami. Chaimantami ñucanchicpish, paicunapish chashnallatac canchic.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

HEBREOS 10:4

Huagracunapac, chivocunapac yahuarpish juchacunataca mana anchuchi pudinchu.

HEBREOS 9:19

Moisesmi israelcunaman Dios mandashcataca huillarca. Chaimantami puca millmatapish, hisopo ramatapish, becicunapac, chivocunapac yahuarhuan, yacuhuan chapushpa, jucuchishpa Dios mandashca quillcapi, tucui israelcunapac jahuapi chiraparca.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.