HEBREOS 8:9 - Dios Rimashcata Quillcashcami

⁹ Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.

Nuevo Testamento en Quichua Cañar 1996

⁹ Cai ari ninacuica, mana paicunapac ñaupa taitacunahuan ari ninacushca shinachu canga. Paicunataca ñuca maquihuanmi, Egipto llactamanta llucchircani. Shina cashpapish chai ari ninacushcata mana pactachishcamantaca saquircanillami.

HEBREOS 8:9 ပူးပေါင်းရင်းမြစ်များ

GÉNESIS 19:16

Lot mana utcacpimi, chai ishcai angelcunaca Mandac Dios llaquishcamanta paitapish, paipac huarmitapish, ishcai ushicunatapish maquimanta aisashpa, chai llactamanta canzhaman llucchirca.

JOB 8:20

Diosca ima millaita mana ruhuactaca, mana saquinchu. Mana allita ruhuaccunataca mana ayudanchu.

SALMOS 105:43

Chashnami paipac gentecunataca cushicuihuan llucchirca. Pai acllashcacunaca cushicuihuanmi cantashpa llucshirca.

SALMOS 77:20

Moises-huan Aaronhuanmi can acllashcacunataca manada ovejacunata shina pushamurcangui.

SALMOS 78:57

Paicunapac ñaupa taitacuna shinallatacmi mana cazurcacuna. Mana allita shitac arco shinami mana cazurcacuna.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

ÉXODO 34:10

Mandac Diosca Moisestaca: «Riqui, ñucaca tucuipac ñaupapimi ari ninacuita ruhuani. Cai pachapipish, mai llactacunapipish mana ruhuashca jatun mancharinacunatami ruhuashpa ricuchisha. Tucui canhuan cac gentecunami chashna Mandac Dios mancharinacunata ruhuashcata ricunga. Ñuca ruhuashcacunaca mai sumacmi canga.

CANTARES 8:5

¿Pitac shitashca pambamanta cuyashcapac rigra jahuapi huichai shamucun? Manzana yura ucupimi ricchachircani. Chaipimi cambac mamataca sajuarina nanai japirca. Chaipimi cambac mamaca canta sajuarirca.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

ISAÍAS 51:18

Cambac tucui sajuarishca churicunamantaca canta pushacca pi mana tiyanchu. Can tucui huiñachishca churicunamantaca maquimanta aisacca pi mana tiyanchu.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

LAMENTACIONES 4:16

Mandac Diosllatacmi caita, chaita shic-huashpa cacharca. Paicunataca mana ashtahuan tigra ricungachu. Curacunatapish mana mancharcachu. Yuyaccunatapish mana llaquircachu.

EZEQUIEL 16:59

Mandac Dios ñucaca: Canhuan ari nishcata mana pactachircanguichu. Chaimantami llaquichisha.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

AMÓS 5:22

Ñucaman animalta cushpa tucui rupachicpipish, ofrendata cucpipish, mana chasquishachu. Ñucahuan alli tucungapac huira animalta ñucaman cucpica, ricunallatapish mana ricushachu.

MALAQUÍAS 2:13

Cancunaca mana chaillatachu ruhuarcanguichic. Yallita huacashca huiquihuanmi Mandac Diospac altarta taparcanguichic. Mandac Dios ofrendata cancunapac maquimanta mana chasquishcamantami yallita caparishpa huacarcanguichic.

MARCOS 8:23

Chaimantami Jesusca chai ñahui mana ricuc runata maquimanta aisashpa, pueblomanta caruman pusharca. Chai runapac ishcai ñahuipi tucata churashpa, maquita paipac uma jahuapi churashpaca: —¿Ñachu imallatapish ricungui?— nirca.

HECHOS 13:11

Cunanca Mandac Dios llaquichicpimi, mana ricuc saquiringui. Tauca punzhacunacamanmi, inti achicyachishcatapish mana ricungui— nirca. Chashna nicpimi, brujopac ñahui amsayacpi, mana ricui pudishpa, maquimanta maijan aisachun mashcarca.

HECHOS 7:36

Chai Moisesmi israelcunata Egiptomanta mancharinacunata ruhuashpa, Puca Cucha chaupita llucchimurca. Shinallatac shitashca pambapipish chuscu chunga huatatami carca.

HECHOS 9:8

Saulo pambamanta jatarishpa, ñahuita pascashpapish imata mana ricui pudircachu. Chaimantami maquimanta aisashpa, Damascoman pusharcacuna.

GÁLATAS 4:24

Caica shuc alli yuyarinatami yuyachin: Ishcai huarmicunaca ishcai ari nishcatami ricuchin. Agar huarmica Sinaí urcupi cushca ari nishcatami ricuchin. Maijanpish chaipac caccunaca huatashca shina cangapacmi huacharin.

DEUTERONOMIO 29:1

Mandac Diosca Horeb urcupimi israelcunahuan ari ninacurca. Chaipi ari nishca jahuami Mandac Diosca Moab llactapipish israelcunahuan ari ninacuchun Moisesta mandarca.

DEUTERONOMIO 29:12

Mandac Dios cancunahuan ari nishcata chasquishpa, chai ari nishcata pactachingapacmi caipi canguichic.

DEUTERONOMIO 29:25

Chashna tucucpi, maijancunaca: “Ñaupa taitacunapac Mandac Dios Egipto llactamanta llucchimushpa, ari nishcata cungarishcamantami chashna tucushca.