HEBREOS 7:8 - Dios Rimashcata Quillcashcami

⁸ Huañunalla runacunami chungamanta shucta chasquincuna huañunalla runacunami, ashtahuanpish Melquisedecmantaca nishpaca, mana huañushca shinatami Dios quillcachishcapica nicun.

Nuevo Testamento en Quichua Cañar 1996

⁸ Cai pachapi chungamanta shucta chasquiccunaca huañunalla runacunami, ashtahuanpish Melquisedecmanta nishpaca, mana huañushca shinatami Dios quillcachishcaca huillan.

HEBREOS 7:8 ပူးပေါင်းရင်းမြစ်များ

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

HEBREOS 3:16

Dios ima nishcata uyashpapish, ¿paita mana cazuccunaca picunatac carca? Chaicunaca Egipto llactamanta Moisés llucchishca tucui israelcunami carca.

HEBREOS 5:6

Shinallatac Dios quillcachishcapica: «Canca Melquisedec shinallatacmi, huiñai huiñaita cura cangui» ninmi.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinami, huiñaita jatun mandac cura tucurca.

HEBREOS 7:23

Caishuc curacunaca mana huañuita servi pudircachu. Chaimantami tauca curacuna tiyashca.

HEBREOS 7:7

Chaica maijanpish bendiciacmi bendicionta chasquicmanta yalli. Chaitaca pi mana chashnachu mana ni pudinchu.

HEBREOS 7:9

Chungamanta shucta chasquic Leví curacunapish, Abraham Melquisedecman cuc shinami cuncuna.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.