HEBREOS 7:22 - Dios Rimashcata Quillcashcami

²² Chaimantami Jesusca tucuimanta yalli alli mushuc ari ninacuita ruhuan.

Nuevo Testamento en Quichua Cañar 1996

²² Chashna cashcamantami punta ari ninacushcata atishpa, Jesusca Pai pactachishcamanta, mushuc ari ninacuica ashtahuan valishcata ricuchin.

HEBREOS 7:22 ပူးပေါင်းရင်းမြစ်များ

GÉNESIS 43:9

Ñucami paitaca cutichimusha. Mana cutichimucpica, ñucata juchanchingui. Mana cutichimushpa, cambac ñaupapi mana churashpaca, ñucami huiñaita cambac juchanchishca casha.

GÉNESIS 44:32

Canta servic ñucami ñuca taitataca: “Cai huambrataca cutichimushatacmi, cai huambrata mana pushamushpaca, ñucami ñuca taitapac ñaupapica huiñaita juchanchishca casha” nishpa apamurcani.

SALMOS 119:122

Canta servic ñucataca allita pushaiyari. Chai jatun tucushcacuna ama yallita llaquichichunca jarcanguiyari.

PROVERBIOS 20:16

Mana ricsishca runapac garante tucuc runapac churanataca japinguilla. Caru llacta runapac garante tucuc runamanta prendata japinguilla.

PROVERBIOS 6:1

Ñuca huahualla, can maijanpac garante tucushpaca mana ricsishca runapac randimi debiyuc tucushcangui.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

DANIEL 9:27

Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

MARCOS 14:24

Chai quipaca Jesusca: —Caica, Dios-huan mushuc ari ninacuita ruhuashca ñuca yahuarmi. Caimi achcacunata quishpichingapac jichana yahuar.

SAN LUCAS 22:20

Micushca quipaca, Jesús vaso vinota japishpaca: —Cai vaso vinoca, cancunamanta jichana ñuca yahuarmi. Chaihuanmi Diosca shuc mushuc ari ninacuita ruhuagrin.

1 CORINTIOS 11:25

Shinallatac vaso vinota japishpaca: «Cai vaso vinoca mushuc ari ninacuita ricuchic, ñuca yahuarmi. Ñucata yuyarishpa ubiacunguichiclla» nirca.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

HEBREOS 7:23

Caishuc curacunaca mana huañuita servi pudircachu. Chaimantami tauca curacuna tiyashca.

HEBREOS 8:13

Mushuc ari ninacuimanta Dios rimashpaca, ñaupa ari nishcaca ña mauca cashcatami ricuchin. Chai maucayashcaca ña tucurimugricucmi can.