HEBREOS 7:2 - Dios Rimashcata Quillcashcami

² Chaimantami Abrahamca macanacushpa quichushcacunata, chungamanta shucta Melquisedec curaman curca. Melquisedec shutica: “Cashcata ruhuac jatun mandac” nisha ninmi. Shinallatac: «Salem llactata mandac» nishcapish, “cushi causac mandac” nisha ninmi.

Nuevo Testamento en Quichua Cañar 1996

² Chaimantami Abrahamca macanacuipi mishashpa japishcacunataca, chungamanta shucta Melquisedec curaman curca. Tucuimanta yallica, Melquisedec shutica: “Cashcata ruhuac jatun mandac” nisha ninmi. Shinallatac Salem llactata mandac nishpapish: “Sumac causaita cuc mandac” nisha ninmi.

HEBREOS 7:2 ပူးပေါင်းရင်းမြစ်များ

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

2 SAMUEL 23:3

Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

1 CRÓNICAS 22:9

Riqui, canca shuc churitami charingui. Paica sumacta causac runami canga. Shinallatac muyundi llactacunapi causac tucui paita piñaccunamantapish huacaichishami. Paipac shutica Salomonmi canga. Pai causacui punzhacunapica sumac cushi causaita israelcunaman cushpami samachisha.

SALMOS 72:7

Pai mandacuc punzhacunapi cashcata ruhuanaca sisa shinami canga. Quilla tucuringacamanmi cushilla causaica tiyanga.

LEVÍTICO 27:32

Huagrapish, ovejapish chungamanta shucca Mandac Dios ñucapac taunahuan ricuchishpa yupashcaca ñucapacmi can.

MIQUEAS 5:5

¡Paimi ñucanchicmanca cushi causaita cunga! Asiriocuna ñucanchic llactaman shamushpa, mandashpa tiyana huasicunata sarunacucpica, canchis michiccunata, pusac mandaccunatami paicunata llaquichichun cachashun.

NÚMEROS 18:21

Levipac huahuacunaca ñucahuan tupana huasipimi servincuna. Chaimantami paicunamanca israelcuna chungamanta shucta ñucaman cushcacunata cuni.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

ROMANOS 3:26

Cunanmi Diosca ima shina chasquic cashcata ricuchin. Jesusta criccunata chasquishpami, pai cashcata ruhuac cashcata ricuchin.

HEBREOS 7:1

Melquisedecca jahua pacha Diospac curapish, Salem llactata jatun mandacpishmi carca. Abraham jatun mandaccunahuan macanacushpa, mishashpa shamucpica, Melquisedecca tupangapac llucshishpami, Dios bendiciachun nirca.

HEBREOS 7:3

Melquisedecpac taita mamamantapish, paipac aillucunamantapish pi cashcaca mana yacharinchu. Pai huacharishcamantapish, huañushcamantapish pi mana yachanchu. Chaimantami Diospac Churi shina huiñai huiñaita Diospac cura can.

1 SAMUEL 8:15

Cancunapac huagracunatapish, uvascunatapish chungamanta shucta japishpami, pai churashca mandaccunaman, paita serviccunaman cunga.

1 SAMUEL 8:17

Cancunapac ovejacunatapish, chungamanta shuctami japinga. Cancunapish paita servishpami causanguichic.