HEBREOS 7:15 - Dios Rimashcata Quillcashcami

¹⁵ Melquisedec shina shuc mushuc cura ricuricpica, ñucanchic nicushcaca chashnatac cashcatami ricuchin.

Nuevo Testamento en Quichua Cañar 1996

¹⁵ Cai ñucanchic nicushcaca, Melquisedec shina shuc mushuc cura ricuricpica, chashnatac cashcatami ashtahuan ricuchin.

HEBREOS 7:15 ပူးပေါင်းရင်းမြစ်များ

SALMOS 110:4

Mandac Diosca paipac shimihuan rimashpaca: «Cantaca huiñaitami Melquisedec cura shina cachun churani» nirca. Chai nishcataca mana paquingachu.

SAN MATEO 13:21

Chaica, mana shungupi sapiyashca cashpami, llaquicuna japicpi, mana cashpaca alli huillaita chasquishcamanta piñacpica cutirinlla.

HEBREOS 5:6

Shinallatac Dios quillcachishcapica: «Canca Melquisedec shinallatacmi, huiñai huiñaita cura cangui» ninmi.

HEBREOS 7:11

Israelcunaca Aarón huahua huahuapuramanta cac Leví curacunamantami Moisés mandashcacunataca chasquirca. Chai curacuna gentecunata allichishca cacpica, shucta cura mana ricurinmanchu carca. Chai curaca mana Aarón shinachu carca, ashtahuanpish Melquisedec cura shinami carca.

HEBREOS 7:14

Ashtahuanpish ñucanchic Apunchic Jesusca Judapac aillumantami carca. Shina cacpipish, Moisesca chai aillupuramanta cura shamuna cashcataca, jaicapi mana nircachu.

HEBREOS 7:16

Mana runacuna mandacushca shina, mana maijan aillumanta, nishca shinachu carca, ashtahuanpish mana tucuric, causaita charicmi carca.

HEBREOS 7:3

Melquisedecpac taita mamamantapish, paipac aillucunamantapish pi cashcaca mana yacharinchu. Pai huacharishcamantapish, huañushcamantapish pi mana yachanchu. Chaimantami Diospac Churi shina huiñai huiñaita Diospac cura can.