HEBREOS 7:1 - Dios Rimashcata Quillcashcami

¹ Melquisedecca jahua pacha Diospac curapish, Salem llactata jatun mandacpishmi carca. Abraham jatun mandaccunahuan macanacushpa, mishashpa shamucpica, Melquisedecca tupangapac llucshishpami, Dios bendiciachun nirca.

Nuevo Testamento en Quichua Cañar 1996

¹ Melquisedecca Jatun Diospac curapish, Salem llactata mandacpish carcami. Taita Abraham jatun mandaccunahuan macanacushpa, mishashpa shamucpi Melquisedec tupangapac llucshishpaca, Taita Dios allicunata cuchun nircami.

HEBREOS 7:1 ပူးပေါင်းရင်းမြစ်များ

SALMOS 57:2

Jahua pachapi causac Diosllatami mañasha. Paica imatapish ayudanmi.

SALMOS 76:2

Paihuan tupana huasica Salem pueblopimi tiyacun. Pai causana huasica Sionpimi can.

SALMOS 78:35

Chashnami Diosca paicunapac jarcarina jatun rumi cashcata, jahua pachapi causac Diosca quishpichic cashcata yuyarircacuna.

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

DANIEL 4:2

Jahua pacha Dios ñucaman milagrocunata, pi mana ruhuaipacta ruhuashpa ricuchishcata cancunaman huillana alli cacpimi huillani.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

MIQUEAS 6:6

Mandac Diospac ñaupapica, ¿imahuantac ricurigrishayari? Jahua pacha Mandac Diostaca, ¿ima shinatac cumurishpa mañashayari? ¿Animalta huañuchishpa tucui rupachishpachu cuchuyasha? ¿Shuc huatayuc becita cushpachu cuchuyasha?

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

HECHOS 16:17

Chai huambra Pablotapish, ñucanchictapish catishpaca: —¡Cai runacunaca jahua pacha Diosta serviccunami! Paicunaca ima shina quishpirinatami huillancuna— nishpami caparicurca.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinami, huiñaita jatun mandac cura tucurca.

HEBREOS 7:2

Chaimantami Abrahamca macanacushpa quichushcacunata, chungamanta shucta Melquisedec curaman curca. Melquisedec shutica: “Cashcata ruhuac jatun mandac” nisha ninmi. Shinallatac: «Salem llactata mandac» nishcapish, “cushi causac mandac” nisha ninmi.

HEBREOS 7:3

Melquisedecpac taita mamamantapish, paipac aillucunamantapish pi cashcaca mana yacharinchu. Pai huacharishcamantapish, huañushcamantapish pi mana yachanchu. Chaimantami Diospac Churi shina huiñai huiñaita Diospac cura can.

HEBREOS 7:6

Ashtahuanpish Melquisedecca mana Levipac huahua huahuapura cashpapish, Dios cushami nishcata chasquic Abrahammanta chungamanta shucta chasquircami. Chashnami, Melquisedecca Abrahamman Dios bendiciachun nirca.