HEBREOS 6:17 - Dios Rimashcata Quillcashcami

¹⁷ Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.

Nuevo Testamento en Quichua Cañar 1996

¹⁷ Taita Diospish pai cushami nishcata japiccunamanca, imatapish mana shuctacyachishpa, pai cushami nishcataca paipac quiquin shimihuanmi pactachirca.

HEBREOS 6:17 ပူးပေါင်းရင်းမြစ်များ

GÉNESIS 26:28

Shina nicpimi paicunaca: —Mandac Dios canhuan cashcatami ricushcanchic. Chaimantami ñucanchicca canhuan shuc ari ninacuita ruhuashun ninchic.

SALMOS 110:4

Mandac Diosca paipac shimihuan rimashpaca: «Cantaca huiñaitami Melquisedec cura shina cachun churani» nirca. Chai nishcataca mana paquingachu.

SALMOS 33:11

Ashtahuanpish Mandac Dios imata ruhuasha nishcaca huiñaipacmi can. Paipac shungupi imata yuyarishcataca huahua huahuacunami pactachicungalla.

SALMOS 36:8

Cambac huasi ucupi tiyac micunatami huicsa pactata micungacuna. Cambac sumaccunataca yacuta ubiachic shinami cungui.

ÉXODO 22:11

chai mingai tucuc runami Diospac ñaupapi: “Mana shuhuarcanichu” nishpa huillana can. Shina nicpimi, chai animalyuc runaca paipac nishcata crishpa, mana cobranga.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

ISAÍAS 14:24

Tucuita Mandac Dios ari nishpaca: «Ñuca yuyarishcataca ruhuashatacmi. Imata ruhuanata yuyarishcataca pactachishatacmi.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

ISAÍAS 55:11

Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

MALAQUÍAS 3:6

Mandac Diosca: «¡Ñucaca mana shuctacyanichu. Chaimantami Jacobopac huahuacunataca mana tucuchircani!

SAN JUAN 10:10

Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

ROMANOS 11:29

Diosca imata cushpapish mana quichunchu. Cayashpapish mana cungarinchu.

ROMANOS 8:17

Paipac huahuacuna cashpaca, pai cusha nishcatapish Cristohuan pacta japishunmi. Apunchic Jesucristo llaquita apashca shina llaquita apashpami, alli nishca cashun.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shinallatac Dios ñaupaman cusha nishcata japiccunapish canguichicmi.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

HEBREOS 11:9

Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.

HEBREOS 6:12

Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.

HEBREOS 6:16

Gentecunaca paicunamanta yalli runapac shutipi ari nincuna. Shina ari nishca quipaca, imatapish cutinca ña mana nincunachu.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

1 PEDRO 1:3

¡Ñucanchic Apunchic Jesucristopac Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana cuyaimanta Jesucristota causachishpa, ñucanchictaca cutin huacharishca shinata ruhuarca.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana caricuna shina fuerzata charinchu. Chaimanta paicunataca sumacta pushashpa causaichic. Cusacunapish, huarmicunapish Dios cuyashcallamanta cusha nishca, huiñai causaita japichun cayashcacunami canguichic. Chashna causacpimi, Diosca cancuna mañashcataca uyanga.