HEBREOS 6:12 - Dios Rimashcata Quillcashcami

¹² Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.

Nuevo Testamento en Quichua Cañar 1996

¹² Q'uillacuna tucuchunca mana munanchicchu, ashtahuanpish crishcamanta mana p'iñaric, alli shunguhuan Dios cusha nishcata japiccuna cachunmi munanchic.

HEBREOS 6:12 ပူးပေါင်းရင်းမြစ်များ

PROVERBIOS 12:24

Alli trabajac runaca mandashpami causanga. Ashtahuanpish quilla runaca mandashcallami causanga.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

PROVERBIOS 15:19

Quilla runapac ñanca cashahuan jarcashca shinami. Ashtahuanpish allita ruhuaccunapac ñanca rumihuan sumacta ruhuashca ñanmi.

PROVERBIOS 18:9

Quilla runaca imatapish tucuchic runahuanca quiquin huauquindi shinami.

PROVERBIOS 2:20

Shinami canca allita ruhuaccunapac ñanta purina cangui. Cashcata ruhuaccunapac ñantami catina cangui.

PROVERBIOS 26:14

Bisagrapi pungu muyucuc shinami, quilla runaca paipac camapi caiman chaiman singucun.

PROVERBIOS 28:10

Allita ruhuaccunata pandachishpa, mana alli ñanpi churac runaca paillatac allashca jutcullapitacmi urmanga. Ashtahuanpish allita ruhuaccunaca allicunatami japinga.

CANTARES 1:8

Tucui huarmicunamanta yalli sumac huarmilla, can mana yachashpaca, oveja sarushcata ricushpa michina chuclla cuchuman cati rishpa, chaipi cambac malta chivocunata michiyari.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

SAN MATEO 22:32

“Ñucaca Abrahampac, Isaacpac, Jacobopac Diosmi cani” ninmi. Diosca mana huañushcacunapac Dioschu, ashtahuanpish causaccunapac Diosmi— nirca.

SAN MATEO 25:26

Shina nicpimi amoca: “¡Canca, mana valic, quilla servicmi cangui! Ñuca manapish tarpushpa cosechac, manapish cushpa chasquic cashcataca yacharcanguimi.

SAN LUCAS 16:22

Huaccha runa ña huañucpica, angelcunami jahua pachapi causacuc Abrahampac cuchuman aparca. Shinallatac chayuc runa huañucpica, enterrarcami.

SAN LUCAS 8:15

Ashtahuanpish alli allpapi urmashca muyuca Dios rimashcata tucui shunguhuan uyashpa, alli cazushpa mana cungariccunami. Chashnami, alli pucuc shina cancuna.

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

ROMANOS 4:12

Abrahamca circuncisionta ruhuashcacunapacpish taitami. Paicunaca mana circuncisionta ruhuashcallachu carca. Chaica, Abraham manarac circuncisionta ruhuashpa, crishpa causacushcata caticcunami carca.

1 TESALONICENSES 1:3

Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

2 TESALONICENSES 1:4

Cancunaca llaquihuan cashpapish, piñacucpipish sinchitami caticunguichic. Chaimantami tucui tandanacushca criccunapica yallita cushicunchic.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

HEBREOS 13:7

Diospac shimita huillashpa, cancunata pushaccunata yuyarichic. Paicuna causashcata ricushpa, paicuna shina crishpa causaichic.

HEBREOS 5:11

Caicunamanta rimanaca achcami tiyan. Shina cacpipish, cancuna mana utca entendiclla cacpimi, mana tucuita entendichinchic.

HEBREOS 6:15

Abrahamca cushicushpa piñarishpa, shuyacushpami, Dios cusha nishcataca chasquirca.

SANTIAGO 1:3

Cancuna cric cashcamanta ima llaqui japicpica, mana piñarishpa, alli shunguhuan llaquicunata apana cashcataca cancunallatacmi yachanguichic.

2 PEDRO 1:10

Chaimanta cuyashca criccuna, cancunata Dios acllashpa cayashcamantaca, caicunata ashtahuan yuyaipi charishpa causanata munaichic. Chashna causashpami, jaicapi mana urmanguichic.

1 JUAN 2:25

Jesucristo ñucanchicman cusha nishcaca, huiñai causaimi can.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.