HEBREOS 6:1 - Dios Rimashcata Quillcashcami

¹ Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,

Nuevo Testamento en Quichua Cañar 1996

¹ Chaimanta utcaman Cristomanta callari yachanacunataca, ama chaillatatac, chaillatatac yachacucuichicchu, ashtahuanpish alli yachaccuna cangapac allita yachacushun. Diosman cutirina, shinallatac ima shina crina yuyaicunataca, ama chaillatatac, chaillatatac yachacuccuna tucushunchic. Huañuiman apacuc ima millaicunatapish, ama ruhuashunchic.

HEBREOS 6:1 ပူးပေါင်းရင်းမြစ်များ

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN MATEO 21:29

Shina nicpica chai churica: “¡Mana risha ninichu!” nircami. Chashna nishpapish, quipata yuyarishpaca rircami.

SAN MATEO 21:32

Chaica, Bautizac Juan cashcata ruhuanata yachachingapac shamucpica, cancunaca mana crircanguichicchu, ashtahuanpish impuestota japiccunarac, cullquimanta huainayac huarmicunaracmi crirca. Cancunaca chaita ricushpapish Juanta mana crircanguichicchu, llaquirishpa mana Diosman cutirircanguichic— nirca.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 4:17

Chaimanta pachami Jesusca: «Diosca ñami mandagrin. Chaimanta juchayuc cashcamanta llaquirishpa, Diosman cutirichic» nishpa, huillai callarirca.

SAN MATEO 5:48

Jahua pacha Dios ima shinami allita can, chashnallatac cancunapish allita caichic.

SAN MATEO 7:25

Chashna sinchi rumi allpapi ruhuashca huasi cashpami, mashnata tamyacpipish, mashnata huairacpipish mana urmarca.

MARCOS 1:1

Diospac Churi Jesucristomanta alli huillanaca, cashnami callarin.

MARCOS 6:12

Yachacuccuna rishpaca, juchayuc cashcamanta llaquirishpa, Diosman cutirichunmi gentecunaman huillarca.

SAN LUCAS 6:48

ucuta allashpa, rumi allpapi huasichic runa shinami. Chai huasica sinchi rumi allpapimi ruhuashca. Chaimantami achca yacu shamushpa huactarishpapish, yacu jundashpapish mana imata ruhuanchu.

SAN JUAN 12:44

Jesús sinchita rimashpaca: —Maijanpish ñucata cricca mana ñucallatachu crin, ashtahuanpish ñucata cachac Taitatami crin.

SAN JUAN 14:1

Jesusca: —Ama shungupi llaquiringuichicchu, ashtahuanpish Diostapish, ñucatapish cringuichic.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 20:21

Israelcunamanpish, mana israelcunamanpish Diosman llaquirishpa cutirinamanta, Apunchic Jesucristota crinamantami huillarcani.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

1 CORINTIOS 13:10

Ima shina cashcatatac yachana chayamucpica, chai ashalla yachashcaca chingaringallami.

1 CORINTIOS 2:6

Ashtahuanpish ña sinchi criccuna cashpaca, alli yachai rimaicunahuan rimanacunchic. Cai alli yachai rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

2 CORINTIOS 7:10

Dios munashca shina llaquirishpaca, Diosman cutirishpa quishpirinatami japinga. Chaimantaca mana llaquirinachu can. Ashtahuanpish cai pacha munaicunamanta llaquirishpaca, huañuitami japinga.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

EFESIOS 2:5

Chashna cuyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Dios cuyashcallamantami, cancunaca quishpirishca canguichic.

EFESIOS 4:12

Chashna ruhuashpaca, Dios acllashcacuna paipacta ruhuachun, Cristopac cuerpo shina tandanacushca criccunata ashtahuan sinchiyachichun,

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

COLOSENSES 3:14

Tucuimanta yallica, cuyanacushpami causana canguichic. Chashna cuyanacushpa causashpami, tucui mashna shuc shinalla sumacta causanguichic.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

1 TIMOTEO 6:19

Chashna ruhuashpami, quipa punzhapi huiñai causaita japingapac ña utcashpa mana chingaric allicunata ruhuacuncuna.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

HEBREOS 11:6

Diosman cuchuyangapacca, pai tiyashcatapish, pai ima mañashcata cuc cashcatapish crinami can. Mana crishpaca, Diospac munaita mana ruhuai pudinchu.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.

HEBREOS 7:11

Israelcunaca Aarón huahua huahuapuramanta cac Leví curacunamantami Moisés mandashcacunataca chasquirca. Chai curacuna gentecunata allichishca cacpica, shucta cura mana ricurinmanchu carca. Chai curaca mana Aarón shinachu carca, ashtahuanpish Melquisedec cura shinami carca.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

SANTIAGO 1:4

Ashtahuanpish tucuimanta yallica mana piñarishpa, alli shunguyuc canata yuyaichic. Chashna cashpami alli sinchiyashpa, imapish mana illac, alli criccuna canguichic.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

1 JUAN 4:12

Diostaca jaicapi pipish mana ricushcachu. Shina cacpipish caishuc chaishuc-huan cuyanacushpa causacpica, Diosca ñucanchic-huanmi causan. Chashna cuyanacushpami, Dios cuyac cashcataca ashtahuan ricuchinchic.