HEBREOS 5:9 - Dios Rimashcata Quillcashcami

⁹ Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

Nuevo Testamento en Quichua Cañar 1996

⁹ Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

HEBREOS 5:9 ပူးပေါင်းရင်းမြစ်များ

SALMOS 45:17

Quipa huiñaicuna canta yuyarichunmi, cai shimicunataca canman rimani. Shuctac llactapi causaccunapish canta yuyarishpami, huiñai huiñaita alli ningacuna.

SALMOS 51:6

Canca imatapish cashcata nictami cuyangui. Pacallami ñuca shungupi allita yachachishcangui.

SALMOS 51:8

Yallita cushi canata huillaiyari. Chaipica can llaquichishca tullucunapish cushicungami.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

ZACARÍAS 6:15

Carupi causaccuna shamushpami, Mandac Diospac huasita shayachinata ayudanga. Chaita ricushpami, Mandac Diosllatac cancunapacman ñucata cachashcata yachanguichic. Mandac Dios rimashcata uyashpa cazucpimi, chashnaca tucunga.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN LUCAS 13:32

Chashna nicpimi, Jesusca: —Richic, chai atuctaca: “Riqui, cai punzhacunaca supaicunatami llucchisha, ungushcacunatapish alliyachishami. Minchami, ñuca ruhuanataca tucuchisha” ninmi, nigrichic.

SAN JUAN 19:30

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpa huañurcallami.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 4:12

Cai pachapi causaccunata quishpichichunca, Jesusllatami Diosca cacharca. Ñucanchicta quishpichicca, pi shuctac mana tiyanchu— nirca.

HECHOS 5:32

Ñucanchicca cai tucui uyashcatapish, ricushcatapish huillaccunami canchic. Diospac Espiritupish cai tucuita huillacunmi. Diosca paita cazuccunamanmi paipac Espiritutaca cushca— nirca.

ROMANOS 1:5

Tucui llactacunapi paita crishpa cazuchun, paipac shutita alli nichunmi Jesucristoca cuyashcallamanta apóstol cachun ñucataca acllarca.

ROMANOS 10:16

Shina cacpipish, mana tucuichu alli huillaitaca cazurca. Chaimantami Dios ima nishcata huillac Isaiasca: «Mandac Dioslla, ¿ñucanchic huillashcataca pitac crishcayari?» nin.

ROMANOS 15:18

Chaica, mana israelcuna Diosta cazuchun, Cristo ñucata imata ruhuashcallatami rimasha nini. Chaitaca mana rimarcanillachu, ashtahuanpish ruhuarcanimi.

ROMANOS 2:8

Ashtahuanpish Diosca maijanpish quiquin munashcata ruhuashpa causanata munashpa, cashcata nic huillashcata piñaccunataca yallita piñarishpa llaquichingami.

ROMANOS 6:17

Cancunaca utcapi jucha mandashca causacushpapish, cunanca Diosmanta yachacushcacunataca tucui shunguhuanmi cazushcanguichic. Chaimantami Diostaca pagui nini.

2 CORINTIOS 10:5

Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

2 TIMOTEO 2:10

Chaimantami Dios tucui acllashcacuna Jesucristohuan shuclla tucushpa, sumaimana huiñai causaita paicunapish japichun nishpa cai llaquicunataca apacuni.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 11:40

Chaica, Diosca ñucanchicpish paicuna shinallatac ama juchanchishca cachunmi, ashtahuan allita ruhuashca.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

HEBREOS 9:12

Jesucristoca mana chivocunapac, becicunapac yahuarta Diosman cungapacchu Diospaclla chicanyachishca ucuman yaicurca, ashtahuanpish paipac quiquin yahuarta ñucanchicta huiñaita juchapi huatashcamanta cacharichingapacmi shuc cutinlla yaicurca.

HEBREOS 9:15

Jesucristoca gentecunahuan punta ari nishcahuan juchapi shina causacucpimi mushuc ari ninacuita ruhuarca. Chai shina cacharichishpami Dios cayashcacuna pai cusha nishcata huiñaita chasquichun ruhuarca.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SAN JUDAS 1:21

Cancunata Dios cuyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhata shuyacuichiclla.