HEBREOS 5:1 - Dios Rimashcata Quillcashcami

¹ Tucui jatun mandac curacunami, gentecunapuramanta Diospacta ruhuachun acllashca can. Paicunaca tucui gentecunapac juchacunamanta Diosman ofrendata cungapac, animalcunata huañuchishpa Diosman cungapacmi can.

Nuevo Testamento en Quichua Cañar 1996

¹ Tucui curacunata jatun mandac curacunami, gentecunapuramanta Diospacta ruhuachun Dios acllashca can. Paicunaca tucui gentecunapac juchacunamanta Diosman imallata cushcacunata chasquishpa cungapac, animalcunata huañuchishpa Diosman cungapacpish acllashcami can.

HEBREOS 5:1 ပူးပေါင်းရင်းမြစ်များ

LEVÍTICO 8:2

«Aarontapish, paipac churicunatapish pushamui. Shinallatac curacunapac churanatapish, cahuina aceitetapish, becitapish, ishcai cari ovejatapish, uchilla taza levadura illac tandatapish apamui.

LEVÍTICO 9:7

Shinallatac Moisesca Aarontaca: «Mandac Dios mandashca shina altarman cuchuyai. Juchata pichachun Diosman cushcatapish, tucui rupachina animaltapish rupachi. Cambac juchacunatapish, israelcunapac juchacunatapish Dios perdonachu cui. Mandac Dios mandashca shina, israelcuna Diosman cushcatapish rupachi» nirca.

ROMANOS 15:17

Jesucristota crishcamanta Diosta servishpaca, yallitami cushicuni.

1 CORINTIOS 15:3

Puntaca ñuca ima shina chasquishca shinami, cancunamanca yachachircani. Dios quillcachishcapi nishca shinami, Cristoca ñucanchic juchacunamanta huañurca.

HEBREOS 10:11

Tucui curacunami, punzhanta animalta rupachishpa, Diosman cuncuna. Shina cacpipish, caicunaca jaicapi juchacunataca mana pichanchu.

HEBREOS 10:12

Jesucristoca pai quiquinllatac tucuipac juchacunamanta huiñaipac huañushpami, Diospac alli maquiman tiyarigrirca.

HEBREOS 11:4

Crishcamantami Abelca Cainta atishpa, alli ofrendata Diosman cushpa rupachirca. Chaimantami Diosca Abeltapish, pai cushcatapish chasquirca. Abel huañushca cacpipish, pai crishcamantaca huillacuncunami.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

HEBREOS 7:27

Jesusca mana shuctac curacuna shina puntaca paipac juchacunamanta, quipaca tucui gentecunapac juchacunamanta animalta Diosman cushpa, rupachicchu, ashtahuanpish Apunchic Jesucristoca huiñaipac shuc cutinlla huañushpami, paillatac Diosman curishpa huañurca.

HEBREOS 8:3

Tucui jatun mandac curacunami, Diosman ofrendata cungapac, animalcunata huañuchishpa Diosman cungapac acllashca can. Chaimantami Apunchic Jesucristopish Diosmanca imata cuna can.

HEBREOS 8:4

Cai pachapica Moisés mandashca shina, Diosman cushpa, rupachic curacuna tiyanmi. Chaimanta paica cai pachapi cashpaca, curallapish mana canmanchu carca.

HEBREOS 9:9

Caicunaca cunan punzhacunapi yuyaita japingapacmi. Chaica juchacunamantaca animalta Diosman cushpapish, ofrendata cushcapish quiquin yuyaipi juchayuc cashcatami yuyachin.