HEBREOS 4:2 - Dios Rimashcata Quillcashcami

² Ñucanchicmanpish paicunaman shinallatacmi alli huillaita huillarca. Shina cashpapish, paicunaca mana crircachu, criccunhuan mana tandanacurcachu. Chaimantami paicuna uyashcaca yangalla carca.

Nuevo Testamento en Quichua Cañar 1996

² Paicuna shinallatacmi ñucanchicpish alli huillaitaca chasquircanchic. Shina cashpapish paicunaca alli huillaita cazushpa, criccunahuan mana tandanacurcachu. Chaimantami paicuna alli huillaita chasquishcaca, paicunamanca yangalla carca.

HEBREOS 4:2 ပူးပေါင်းရင်းမြစ်များ

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

ROMANOS 2:25

Moisés mandashcacunata pactachishpaca circuncisionta ruhuashcaca allimi. Shina cacpipish, Moisés mandashcacunata mana pactachicpica, circuncisionta ruhuashcaca yangallami.

ROMANOS 3:3

Paicunapuramanta maijancunaca mana cazurcachu. Paicuna chashna mana cazucpica, ¿Diosca pai nishcataca, mana pactachishpa saquingallachu?

1 CORINTIOS 13:3

Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish cuyaita mana charishpaca, ima mana canichu.

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?

GÁLATAS 3:8

Diosca mana israelcuna cacpipish cricpica, paihuan alli tucuchun chasquishami nishcamantami, Dios quillcachishcapi Abrahamman cai alli huillaita huillashpaca: «Canmantami tucui cai pachapi causaccunaman allicunata cusha» nishca.

GÁLATAS 4:13

Callaripi alli huillaita cancunaman huillacushpaca, ungushca cashpami huillarcani. Chaitaca cancunallatacmi yachanguichic.

DEUTERONOMIO 1:32

Chashna cacpipish, cancunata mana Mandac Diospi shunguta churarcanguichicchu.

1 TESALONICENSES 1:5

Ñucanchic cancunaman alli huillaita huillacushpaca, mana rimaillahuanchu yachachircanchic, ashtahuanpish Diospac poderhuan, Espirituhuan, allita yachashpami, cancunapac allipac yachachircanchic.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

HEBREOS 11:6

Diosman cuchuyangapacca, pai tiyashcatapish, pai ima mañashcata cuc cashcatapish crinami can. Mana crishpaca, Diospac munaita mana ruhuai pudinchu.

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

HEBREOS 4:6

Alli huillaita utcaman uyaccunaca, paicuna mana cazushcamantami mana yaicurcacuna. Chaimantami chaiman yaicunaca tiyanrac.

SANTIAGO 1:21

Chashna cashcamanta tucui mapamanta, shinallatac tucui mana allicunamanta anchurishpa, cancunapac shungupi tarpushca alli huillaitaca cuyac shunguhuan chasquichic. Chai alli huillaimi cancunataca quishpichinata pudin.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.