HEBREOS 3:12 - Dios Rimashcata Quillcashcami

¹² Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

Nuevo Testamento en Quichua Cañar 1996

¹² C'uyashca criccuna, cancunapuramanta shucllapish millai yuyaihuan mana crisha nishpa, pacta causac Diosmanta caruyanguichicman.

HEBREOS 3:12 ပူးပေါင်းရင်းမြစ်များ

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

JOB 21:14

Chashna causashpami Diostaca: “¡Ñucanchicpac ñaupamanta anchuri! Can imata ruhuachun nishcacunataca mana yachacushun ninchicchu.

JOB 22:17

Paicunaca Diostaca: “Ñucanchicmanta anchuri” nicmi carca. Tucuita ruhuac Diosca ñucanchicmantaca, ¿Imatatac ruhuai pudinga? nircami.

SALMOS 18:21

Ñuca Mandac Dios mandashca shinami paimanta mana caruyashpa causarcani. Ñuca Diosmantaca mana caruyarcanichu.

PROVERBIOS 1:32

Imata mana yachaccunataca chai mana yachashcallatacmi huañuchinga. Mana alli yuyaiyuc gentecunataca chai mana alli yuyaillatacmi tucuchinga.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

JEREMÍAS 11:8

Shina mandacucpipish, mana cazurcacunachu, mana uyasha nircacunachu. Ashtahuanpish paicunapac shungupi mana allita yuyaricushcatami ruhuashpa catirca. Chaimantami ñuca ari ninacushpa rimashcapi nishca shina, paicunata llaquichigrini. Chai rimashcata pactachichun mandacpipish, mana pactachircacunachu” ninmi ningui» nirca.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

JEREMÍAS 17:5

Mandac Diosca: «Ñucamanta anchurishpa, huañuclla runapi shunguta churashpa causacca llaqui tucungatacmi. Paipac shungupish ñucamanta anchuricunmi.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 18:12

Ashtahuanpish paicunaca: “Ñucanchic dioscunatami catishun. Quiquin munashcatami ruhuashun. Ñucanchic shungu yuyashcatami ruhuashun. Ñucanchictaca mana jarcai pudinguichu, yangallami rimacungui” ningami» nirca.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 3:17

Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

JEREMÍAS 7:24

Shina mandacpipish, mana uyarcacunachu, mana cazurcacunachu. Ashtahuanpish sinchi shungu tucushpami, mana allita yuyarishpa, paicuna munashcata ruhuashpa, ñaupaman rinapac randica, huashaiman cutirirca.

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 24:4

Chashna nicpimi Jesusca: —Pacta pi cancunata pandachinman, cuidaringuichic.

MARCOS 13:23

Chaimanta cancunaca cuidaringuichic. Tucui chaicunataca ñaupamanmi cancunamanca huillani.

MARCOS 13:33

Ñuca ima horas cutimunata mana yachashcamantaca, alli yuyaihuan riccharishca shina Diosta mañashpa chaparacuichic.

MARCOS 13:9

Cancunaca alli cuidaringuichic. Cancunataca mandaccunapacman apangami. Tandanacuna huasicunapipish azotingami. Ñucata caticushcamantami mandaccunapacmanpish, jatun mandaccunapacmanpish apangami. Chashna apacpica, paicunaman ñucamanta huillanguichicmi.

SAN LUCAS 21:8

Shina tapucpimi Jesusca: —Achcacunami ñuca shutipi shamushpa: “Ñucami Cristoca cani” ningacuna. Maijanca: “Cunanmi pai cutimuna punzhaca chayamun” ningami. Pacta paicunata pacta catinguichicman, ashtahuanpish alli yuyaihuan puringuichic.

ROMANOS 11:21

Diosca chai yurapi huiñashca ramacunatapish pitishpaca, can llutachishcallatacarin, ¿ima nishpatac mana pitinga?

1 CORINTIOS 10:12

Chaimanta pipish ama “allimi cani” nichun, pacta pairac urmanman.

COLOSENSES 2:8

Llullashpa yachachiccuna cancunata yanga paicuna yuyarishcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

HEBREOS 10:31

¡Causac Diospac maquimanta urmanaca yalli llaquimi!

HEBREOS 10:38

Cashcata ruhuacca crishcallamantami causanga. Ashtahuanpish mana catictaca piñashami» ninmi.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 3:1

Chaimanta cuyashca criccuna, cancunaca jahua pacha Dios acllashcacunami canguichic. Dios cayashca cashcamanta Jesucristotaca apóstol cashcata, shinallatac jatun mandac cura cashcata yuyaichic.

HEBREOS 3:10

Chaimantami chai gentecunahuan ñuca piñarishpaca: “Paicunaca shungupi chingarishpa puricushpami, ñuca ricuchishca ñantaca mana ricsinata munarcacuna” nircani.

HEBREOS 3:19

Shina cacpica, paicuna mana crishcamantami, chai samarinamanca mana yaicui pudishcata yachanchic.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.