HEBREOS 13:4 - Dios Rimashcata Quillcashcami

⁴ Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

Nuevo Testamento en Quichua Cañar 1996

⁴ Cazaranataca tucui mashnallatac alli nichic. Ama shuccunahuan huacllirishpa causaichicchu. Mosocunapish, cazadocunapish huacllirishpa causaccunataca Taita Diosca taripashpa llaquichingami.

HEBREOS 13:4 ပူးပေါင်းရင်းမြစ်များ

GÉNESIS 2:21

Chaimantami Mandac Diosca Adanta yallita sueñuchishpa, shuc costillasta llucchishpa, aichataca allichirca.

GÉNESIS 2:24

Chaimantami carica taita mamata saquishpa, paipac huarmihuan tandarishpa, shuclla tucunga.

2 REYES 22:14

Shina nicpimi, Hilcías curapish, Ahicam, Acbor, Safán, Asaías runacunapish Dios ima nishcata huillac Huldapacman rishpa parlarcacuna. Paica curacunapac churanata cuidac Salumpac huarmimi carca. Salumca Ticvapac churimi carca. Ticvaca Harhaspac churimi carca. Hulda huarmica Jerusalenllapitacmi quipata ruhuashca uchilla pueblopi causarca.

JOB 31:12

Chai juchacunaca tucuita rupachic shinami canman carca. Ñuca charishcacunatapish tucuimi rupachinman carca.

ISAÍAS 8:3

Quipami Dios ima nishcata huillac ñuca huarmipi chayarircani. Paica huicsayuc tucushpami shuc cari huahuata charirca. Shina charicpimi, Mandac Diosca: «Cai huahuataca Maher-salal-has-bazta shutichi.

LEVÍTICO 15:18

Shuc cari huarmihuan sueñucucpi, caripac yurac yacu cachariricpica, ishcaitami armarina can. Shina armarishpapish tutayangacamanmi mapa canga.

LEVÍTICO 18:20

Ama shucpac huarmihuan chayaringuichu. Paihuan chayarishpaca mapayanguimi.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

1 CORINTIOS 5:13

Mana criccunataca Diosmi taripashpa juchanchinga. Cancunapuramanta chai mana allita ruhuactaca anchuchichic.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

1 CORINTIOS 7:38

Shinashpaca maijanpish paipac ushita cazarachishpaca, allitami ruhuan. Mana cazarachishpapish, ashtahuanmi allita ruhuan.

1 CORINTIOS 9:5

¿Manachu ñucanchicpish apostolcuna shina, Apunchic Jesuspac huauquicuna shina, Cefas shina, shuc cric huarmita cazarashpa, apai pudinchic?

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

GÁLATAS 5:19

Millai munaicunata ruhuaccunataca ricunallami. Paicunaca huainayaccunami, imapish millaita ruhuaccunami, imapish munana viciota ruhuaccunami,

GÁLATAS 5:21

shuccuna ama charichun nishpa munaccunami, huañuchiccunami machaccunami, yalli micunallata munaccunami, shinallatac shuctac chashnalaya mana allita ruhuaccunami. Cancunataca utcaman nishca shinallatacmi: “Chashna ruhuaccunaca Dios mandacucpica imata mana charingachu” nishpa, cutinllatac nini.

EFESIOS 5:5

Maijanpish huainayashpa, ima mapatapish ruhuashpa, shinallatac ruhuashcalla diosta alli nic shinallatac imatapish ashtahuan charina yuyailla causaccunaca, Jesucristopish, Diospish mandacucpica imata mana charingacunachu. Chaitaca yachanami canguichic.

DEUTERONOMIO 22:22

Maijan shuc runa, shucpac huarmihuan chayarinacucucta japishpaca, ishcaitatacmi huañuchina can. Chashnami runapish, huarmipish huañuna can. Chashnami israelpuramanta juchata anchuchinguichic.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

1 TIMOTEO 3:12

Criccunata ayudaccunaca shuc huarmiyuclla, huahuacunatapish, huasi ucupuratapish allita yachachicmi cana can.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

1 TIMOTEO 3:4

paipac huasipipish allita pushashpa causac, huahuacunatapish alli cazuchic, alli canata yachachicmi cana can.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Diosca cashcata yachac criccunamanca paita pagui nishpa micuchunmi, chaicunataca ruhuarca.

1 TIMOTEO 5:14

Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

TITO 1:6

Criccunata pushacca pipish mana juchanchishca, shuc huarmillahuan causacmi cana can. Paipac huahuacunapish Apunchic Jesucristota cric, shinallatac imalayapish purishcamanta, mana cazushcamantapish pi mana juchanchishcami cana can.

HEBREOS 12:16

Esaú shina, ama cancunapurapi pipish huainayac tiyachun. Pipish Diosta ama yangapi churachun. Esauca punta churi japina cashcatami plato micunallahuan cambiarca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.