HEBREOS 13:3 - Dios Rimashcata Quillcashcami

³ Cancunapish carcelpi cashca shinallatac, carcelpi caccunata yuyaringuichic. Llaquihuan caccunataca cancunapish llaquihuan cashca shina yuyaichic.

Nuevo Testamento en Quichua Cañar 1996

³ Cancunapish carcelpi cashca shinallatac, carcelpi caccunataca yuyarichic. Shinallatac llaquihuan caccunata, cancunapish llaquihuan cashca shinallatac yuyaichic.

HEBREOS 13:3 ပူးပေါင်းရင်းမြစ်များ

GÉNESIS 40:23

Shina tucucpipish, vinota serviccunata mandacca Josetaca mana yuyarishpa cungarircallami.

SAN MATEO 25:36

Churana illac cacpipish, churachircanguichicmi. Ungushca cacpipish, carcelpi cacpipish, ricuc shamurcanguichicmi” nishami.

SAN MATEO 25:43

Samarinata mana charicpipish, mana pozachircanguichicchu. Churana illac cacpipish, mana churachircanguichicchu. Ungushca cacpipish, carcelpi cacpipish, mana ricugrircanguichicchu” nishami.

HECHOS 24:23

Chaimantami Felixca pasac soldadocunata mandactaca: —Pablotaca cuidangui. Maijan paita ricungapac shamuccunatapish, paita ayudaccunatapish ama jarcanguichu— nishpa mandarca.

HECHOS 27:3

Cayandi punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paipac ricsishcacunapacman cacharca. Shinallatac Pablota ayudachunpish saquircami.

ROMANOS 12:15

Cushilla caccunahuanca cushicuichic. Huacaccunahuanca huacaichic.

1 CORINTIOS 12:26

Cuerpopi shuc parte llaqui tucucpica, caishuc partecunapish llaquirinmi. Shinallatac shuc parte allita japicpica, tucui partemi cushicun.

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

COLOSENSES 4:18

Pablomi quiquin maquihuan quillcashpa, “allilla cashca cachun” nishpa cachani. Ñuca carcelpi tiyacushcataca, ama cungaringuichicchu. Diosca paipac sumaimana cuyaita tucui cancunaman cushca cachun ninimi. Chashna cachun.

HEBREOS 10:34

Carcelpi caccunamantaca yallita llaquirircanguichicmi. Cancuna jahua pachapi huiñai huiñaipac tucuimanta yalli allita charishcamantami ima charishcata quichucpipish, cushilla carcanguichic.

HEBREOS 11:37

Cutin shuccunaca rumihuan shitashpa huañuchishcapish, shuccunaca serruchuhuan pitishpa huañuchishcapish, espadahuan huañuchishcapish carcami. Oveja cara, chivo cara churarishcami huacchayashpa, caiman chaiman manchaihuan llaquilla puricurcalla.

1 PEDRO 3:8

Ashtahuanpish cancunaca caishuc chaishuc-huan cuyanacushpa, llaquinacushpa, shuc shinalla yuyashpa, pihuanpish alli causaichic.