HEBREOS 13:11 - Dios Rimashcata Quillcashcami

¹¹ Chaica, jatun mandac cura juchacunamanta cushca animal yahuartaca Diospaclla chicanyachishca ucumanmi apan. Ashtahuanpish chaitaca chai huasimanta llucchishpami, carupi rupachin.

Nuevo Testamento en Quichua Cañar 1996

¹¹ Curacunata jatun mandac curaca juchacunamanta cungapacmi, animalcunapac yahuartaca Diospaclla ch'icanyachishca ucuman apan. Ashtahuanpish chai animalcunapac aichataca chai huasimanta llucchishpami, carupi rupachincuna.

HEBREOS 13:11 ပူးပေါင်းရင်းမြစ်များ

ÉXODO 29:14

Ashtahuanpish beci carata, aichata, huanutaca carpa huasimanta llucchishpa rupachingui. Chai ofrendaca juchamanta cushcami.

EZEQUIEL 43:21

Chai quipaca juchacunamanta cushca beci aichata ñucapac huasi ucumanta canzhaman llucchishpa, rupachina pushtupi rupachingui.

LEVÍTICO 16:27

Juchata pichachun ñucaman cushca becitapish, chivotapish ñucahuan tupana huasimanta canzhaman apashpa, carandi, huanundi rupachinga. Chai yahuarca ñucapaclla ucupi juchata pichachun cushcami carca.

LEVÍTICO 6:11

Chai quipaca churanata llucchishpa, shuctac churanata churarishpami, uchupataca carpa huasimanta caruman apashpa, chuyanlla pambapi shitanga.

LEVÍTICO 6:30

Juchamanta Dios-huan tupana huasi ucupi tiyac altarman apashca yahuartaca mana micunachu. Chaitaca tucuimi rupachina can.

LEVÍTICO 9:11

Ashtahuanpish aichataca carandimi carpa huasimanta caruman apashpa rupachirca.

LEVÍTICO 9:9

Aaronpac churicunaca chai yahuarta apashpa, dedota yahuarpi satishpami altar gachucunapi cahuirca. Cutin puchu yahuartaca altar chaquipimi tallirca.

NÚMEROS 19:3

Chai vacataca Eleazar curaman cunguichic. Paimi carpa huasimanta canzhaman llucchishpa, paipac ñaupapi huañuchichinga.

NÚMEROS 19:7

Chaimantaca paipac churanata tacshashpa, paipish armarishpami paipac causana carpa huasiman yaicunga. Chashna cashpapish tutayangacamanmi mapa canga.