HEBREOS 12:5 - Dios Rimashcata Quillcashcami

⁵ Cancunaca ñami huahuata shina, Dios cunashcataca cungarishcanguichic. Dios quillcachishcapica: «¡Ñuca huahualla! Dios llaquichicpica ama yangalla cashcata yuyaichicchu. Shinallatac pai llaquichicpica, ama shaicuichicchu.

Nuevo Testamento en Quichua Cañar 1996

⁵ Quiquin huahuata shina, Taita Dios cunacushcataca ñamari cungarishcanguichic. Dios quillcachishcapica: “¡Ñuca huahualla! Ima mana allita ruhuashcamanta Taita Dios ima shinapish llaquichicpica, ama ‘mana uyasha’ nichu, shinallatac ña ama ‘mana c'atisha’ nichu.

HEBREOS 12:5 ပူးပေါင်းရင်းမြစ်များ

JOB 34:31

Chaica, Diostaca: “Ñucaca ñami yallita llaquita apashcani, cantaca ña mana ashtahuan piñachishachu.

SALMOS 118:18

Mandac Dios ñucata sinchita llaquichishpapish, mana huañuchun saquircachu.

SALMOS 119:109

Ñuca causaica punzhantami chingarinalla. Shina cacpipish can mandashcacunataca mana cungarircanichu.

SALMOS 119:16

Quillcashpa mandashcacunahuanmi cushicuni. Cambac rimashcacunataca manatac cungarishachu.

SALMOS 119:67

Ñaupa can manarac llaquichicpimi pandarishpa causarcani. Ashtahuanpish cunanca cambac rimashcacunata cazushpami causani.

SALMOS 119:75

Mandac Dioslla, can cashcata ruhuashpa taripac cashcataca ricsinimi. Shinallatac ñucataca llaquichina cacpitacmi llaquichishcangui.

SALMOS 119:83

Cushnipi huarcushca cara shina cashpapish, quillcashpa mandashcataca mana cungarircanichu.

SALMOS 94:12

Mandac Dioslla, can cunashca, cambac mandashcacunata yachachishca causac runaca mai cushimi can.

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.

PROVERBIOS 4:5

¡Alli yachac caiyari! ¡Allita entendiyari! Ñuca rimashpa yachachishcacunataca ama cungaringuichu, ama saquinguichu.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

LAMENTACIONES 3:39

Juchamanta llaquichishca runaca, ¿imamantatac llaquirin?

SAN LUCAS 24:6

Mana caipichu, ñami causarirca. Pai Galilea llactapirac cashpa, ima nishcataca yuyarichic.

SAN LUCAS 24:8

Chashna nicpimi, chai huarmicunaca Jesús chashna nishcataca yuyarirca.

1 CORINTIOS 11:32

Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.

GÁLATAS 6:9

Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

1 TIMOTEO 1:20

Chaicunaca Himeneo shinallatac Alejandromi chashna tucurcacuna. Paicunatami Diosta ama camishpa catichun nishpa, Satanasman curcani.

HEBREOS 12:7

Diospac huahuacuna cashcamantami cancunapac allipac llaquita apacunguichic. ¿Pi huahuatac paipac taita llaquichishcata mana chasquin?

HEBREOS 13:22

Cuyashca criccuna, cai ñuca asha quillcashcataca mana piñarishpa chasquichunmi mañani. Caitaca cancuna alli catichunmi quillcani.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.